(හිරාන් ප්‍රියංකර ජයසිංහ)

පුත්තලම ඇතුළු ප්‍රදේශ රැසකට අද 8 දින උදෑසන සිට ඇතිවු මහ වැසි හේතුවෙන් ප්‍රධාන මාර්ග රැසක් ජලයෙන් යටවි ගමනා ගමනයට බාධා එල්ලවු බව පුත්තලම ආපදා කළමණාකරණ ඒකකය පවසයි.

උදෑසන සිට නොකඩවා ඇද හැළුන මෙම වැසි තත්වයත් සමග පුත්තලම කොළඹ මාර්ගය තිල්අඩිය, කරිකට්ටිය, මදුරන්කුලිය, කිරියන්කල්ලිය, බත්තුළුඔය ඇතුළු ප්‍රදේශ වලින්ද පුත්තලම අනුරාධපුර මාර්ගය සිරම්භිඩිය,හයේ කනුව, ඇතුළු ප්‍රදේශ වලින්ද,පුත්තලම කුරුණෑග මාර්ගය තුනේ කනුව ,හයේ කනුව ,ගල්කුලම,ආණමඩුව ඇතුළු ස්ථාන වලින් යටවි ඇති බව ආපදා කළමණාකරණ ඒකකය පවසයි.

මෙලෙස මාර්ග ජලයෙන් යටවිමට හේතු වි ඇත්තේ වැව් වාන් දැමිමත් සමග ගලා ආ ජල කදින් බව කියයි.

ඒ සමගම පුත්තලම දිස්ත්‍රික් ලේකම් එච්.එම්.එස්. පි.හේරත් මහතා පවසා සිටියේ පුත්තලම දිස්ත්‍රික්කයෙ නිවාස විශාල සංඛ්‍යාවක් මේ වන විට ජලයෙන් යටවි ඇති බවට ප්‍රාදේශීය ලේකම් වරුන් හා ප්‍රාදේශීය ලේකම් කාර්යාල වලට අනුයුක්තව සිටින ආපදා සහන නිළධාරීන් මගින් තොරතුරු ලබා ගන්නා බවයි.

මාර්ග ජලයෙන් යටවිමත් සමග ගමනා ගමනයට දැඩි බාධා එල්ලවි තිබු බව කියයි.