(සුජිත් හේවාජුලිගේ සහ අංජුල මහික වීරරත්න)

මහපොළ උසස් අධ්‍යාපන ශිෂ්‍යත්ව බාර අරමුදල (සංශෝධන)  පනත් කෙටුම්පතට  කතානායක මහින්ද යාපා අබේවර්ධන මහතා ඊයේ (14) සිය  සහතිකය සටහන් කළේය.

මේ අනුව එම පනත් කෙටුම්පත එදින සිට බලාත්මක වන බව පාර්ලිමේන්තු මහලේකම් කාර්යාලය පවසයි.

මහපොළ උසස් අධ්‍යාපන ශිෂ්‍යත්ව බාර අරමුදල (සංශෝධන) පනත් කෙටුම්පත  පාර්ලිමේන්තුවේදී පසුගිය 8 වෙනිදා  සංශෝධන සහිතව සම්මත විය.

මෙම සංශෝධන පනත් කෙටුම්පත මඟින් 1981 අංක 66 දරණ මහපොළ උසස් අධ්‍යාපන ශිෂ්‍යත්ව භාර අරමුදල පනතේ දීර්ඝ නාමය  "ලලිත් ඇතුලත්මුදලි මහපොළ උසස් අධ්‍යාපන ශිෂ්‍යත්ව භාර අරමුදල පනත" ලෙස වෙනස්විය.

මීට අමතරව තවත් සංශෝධන ගණනාවක්ද ඊට ඇතුළත්  කෙරිණ.