(සමිපත්   ප්‍රියනන්දන  සහ  නාලක ජේ   හෙට්ටිආරච්චි)

බල්ලන්  දෙදෙනකු සමග  ලොරි  රථයකින්  සහල්  කිලෝ  8,750 ක් ප්‍රවාහනය  කර බලන්ගොඩ  නගරයේ   වෙළෙඳසැල්  වලට  බෙදා  හැරි  ලොරි  රථයේ  රියදුරුට  සහ  සහල්  මෝලේ  හිමිකරුට  එක්  අයෙකුට රුපියල්  දස දහස  බැගින්  දඩ  සහ වසර  තුනක  බරපතළ  වැඩ  සහිත  සිර  දඬුවම්   වසර  පහකට  අත් හිටුවීමටද බලන්ගොඩ  මහෙස්ත්‍රත්  භාග්‍යා  දිල්රුක්  වික්‍රමසිංහ  මෙනවිය  අද  (10) නියම කළාය.

මෙිි අතර එක්  අයෙකු  වෙනුවෙන්  නියම  කළ දඩ  මුදල  නොගෙවන්නේ   නමි  තවත්  මසක පමණ කාලයක  සිහිල්  සිර  දඩුවමක්  ලබා  දෙන  ලෙස  නියෝග   කළාය.

තිස්සමහාරාම   සුරියවැව  පදිංචි  සමන්ත  අනුර  කුමාර  සහ  සුරංග  කොඩිතුවක්කු  යන  අයට  දඩුවම් නියම  කෙරිණි.එමෙන්ම සහල්  තොග  අධිකරණ  බාරය‍ෙතබන   ලෙසත්  ලොරි  රථය  රැපියල්  ලක්ෂ  පනහ  බැදුමිකරයක්  මත  නිදහස්  කරන  ලෙසද  එහි   නියෝග  කෙරිණි.

සහල්  තොගය  සත්ව  ආහාර වශයෙන්  සතුන්ගේ පරිභෝජනය සදහා  මුදා  හැරීම සදහා  ප්‍රධාන  ආහාර  බළධාරියා  ලෙස  සලකන සෞඛ්‍ය සේවා අධ්‍යක්ෂ  ජෙනරාල්  වරයාගේ වාර්තාවක්  කැදවා  ලබන  31  වැනිදා   අධිකරණය  ඉදිරිපත්  කරන  ලෙසද  එහිදී  මහජන සෞඛ්‍ය  පරික්ෂක වරුන්  වෙත   මහෙස්ත්‍රාත්වරිය  නියෝග   කළාය.

ලක්ෂ  විසි  හතරක්  වටිනා  එම  සහල්  තොගය   ඉකුත්  04  වැනිදා    තිස්සමහාරාම ප්‍රදේශයේ  සිට  බල්ලන් දෙදෙනකු සමග   ප්‍රවාහනය  කර  බලන්ගොඩ   නගරයේ ඇති  වෙලෙද සලකට  බෙදා  හරිමින්  සිටියදී   බලන්ගොඩ   සෞඛ්‍ය වෛද්‍ය නිළධාරි කාර්යාලයේ නිළධාරින්  විසින්   එම  වැටලීම  සිදු කර තිබිණි.