(ලලිත් නවරත්න)

හලාවත ඇතුලූ තදාසන්න ප‍්‍රදේශවල  නීතිවිරෝධි ව්‍යාපාර හා විවිධ  ජාවාරම්වල නියැලෙන පුද්ගලයින් සොයා ඔවුන් ඉදිරියේ පොලීසියේ අංශභාර ප‍්‍රධානින් ලෙස පෙනී සිටිමින් මහාපරිමාණයෙන් කප්පම්ගත් හමුදා සොල්දාදුවන් දෙදෙනෙකු  අත්අඩංගුවට ගත්බව හලාවත පොලීසිය පවසයි.

මෙසේ අත්අඩංගුවට පත්ව ඇත්තේ දැනට හමුදා සේවයේ යෙදී සිටන සොල්දාදුවන් දෙදෙනෙකි.

ගංජා සහ හෙරොයින් අලවිය සම්බන්ධයෙන් පෙරවැරදි ගනනාවක් ඇති හලාවත ප‍්‍රදේශයේ කාන්තාවන් දෙදෙනෙකු විසින් හලාවත පොලීසියටකරනලද පැමිණිල්ලකට අනුව මෙම වැටලීම සිදුකර ඇත.

අනතුරුවහලාවත ඊබට් සිල්වා වත්ත ප‍්‍රදේශයේ සැකකරුවන් විසින් කප්පම් ගැනීම සඳහා බියවැද්දීමක් සිදුකරමින් සිටින අවස්ථාවකදී රහසිගතව සැගව සිටි පොලීසිය මෙම අත්අඩංගුවට ගැනීම සිදුකර ඇත.

මෙම ජාවාරම සැකකරුවන් විසින් දීර්ඝකාලයකසිට සිදුකර ඇති අතර ඔවුන් සිවිල් ඇදුමින් ගොස් පොලීසියේ අපරාධ අංශයේ, දුෂණ මර්දන අංශයේ ලෙස පෙනී සිටිමින් කප්පම නොදෙන්නේනම් අත්අඩංගුවට ගන්නාබව පවසමින් විශාල ලෙස මුදල්  ගෙන ඇතිබව පොලීසියසිදුකළ විමර්ශන වලදී තහවුරුවී ඇත.

මේ සම්බන්ධයෙන් පැමිණිලි කළ කාන්තාවන් දෙදෙනාද හෙරොයින් සහ  ගංජා අලෙවිය සම්බන්ධයෙන් පෙරවැරදි ගණනාවකට පොලිස් අත්අඩංගුවට පත්ව ඇති අතර ඔවුන්ට එරෙහිව අධිකරණයේ නඩුද විභාගයවන බව පොලීසිය පවසයි.

ඔවුන් මෙම පැමිණිල්ලේදී පොලීසියට ප‍්‍රකාශකර ඇත්තේ මෙම ජාවාරම් වලින් මේවනවිට ඉවත්ව ඇතත් එසේ සිටියදිත් තමන්ව බියවද්දා මෙම සැකකරුවන් විසින් දිගින් දිගටම කප්පම් ඉල්ලා සිටින බවයි.