(අංජුල මහික වීරරත්න)

විපක්ෂයේ වීරයකු වී සිටින ජනක රත්නායක මහතා ඊළඟ ජනාධිපතිවරණයේදී විපක්ෂයේ පොදු අපේක්ෂකයා බවට පත් කරගන්නා ලෙස ජනාධිපති වෘත්තීය සමිති අධ්‍යක්ෂ ජනරාල් සමන් රත්නප්‍රිය මහතා පැවසීය.

රට නැවත සංවර්ධන මාවතට යොමු කරන වැඩපිළිවෙල කඩාකප්පල් කරන්නට විවිධ පුද්ගලයන්  සම්බන්ධ වී සිටින බව කී රත්නප්‍රිය මහතා  ජනක රත්නායක යනු එයින් කෙනෙක් බව සඳහන් කළේය.

තව ටික දවසකින් ජනක රත්නායකගේ ඇත්ත තත්වය රටේ ජනතාවට දකින්න පුළුවන් වනු ඇතැයි කී රත්නප්‍රිය මහතා මහජන උපයෝගීතා කොමිසමේ මීට පෙර හිටපු සභාපතිවරුන් තමන්ගේ රාජකාරිය මොකද්දැයි හරියට  තේරුම් ගෙන වැඩ කළ බව සඳහන් කළේය.
මහජන උපයෝගීතා කොමිසම හිටපු සභාපතිවරයා තනතුරෙන් ඉවත් කළේ තනතුරට නුසුදුසු ආකාරයෙන් කටයුතු කිරීම නිසා බවද රත්නප්‍රිය මහතා කීය.

කොළඹදී පැවති මාධ්‍ය හමුවක් අමතමින් සමන් රත්නප්‍රිය මහතා මේ බව සඳහන් කළේය.