(යොහාන් භාසුර)

ඕස්ට්‍රේලියාවට එරහෙිව අනිද්දා (12) ආරම්භ වන තරග දෙකකින් සමන්විත එක්දින ජාත්‍යන්තර ක්‍රිකට් තරගාවලියට සහභාගි වන ශ්‍රී ලංකා එක්දින සංචිතයේ වේග පන්දු යවන තුන් ඉරියව් ක්‍රීඩක චමිඳු වික්‍රමසිංහට ස්ථානය අහිමිවී තිබේ.

ශ්‍රී ලංකාව සහභාගි වූ අවසන් එක්දින තරගාවලිය වන නවසීලන්ත තරගාවලියට 22 හැවිරිදි චමිඳු වික්‍රමසිංහ ඇතුළත් විය.

ඕස්ට්‍රේලියාවට එරෙහිව තරගාවලියට නම් කළ 16 දෙනකුගෙන් යුත් සංචිතයට අසිත ප්‍රනාන්දු, ළහිරු කුමාර, මොහොමඩ් ශිරාස් සහ ඒෂාන් මාලිංග යන වේග පන්දු යවන්නන් සිවුදෙනා ඇතුළත්ව සිටිති.

මෙම එක්දින තරග දෙක කොළඹ ආර්. ප්‍රේමදාස ක්‍රීඩාංගණයේදී මේ මස 12 සහ 14 දෙදින දිවා තරග ලෙස පැවැත්වේ.

ශ්‍රී ලංකා එක්දින සංචිතය:

චරිත් අසලංක (නායක), පැතුම් නිස්සංක, අවිෂ්ක ප්‍රනාන්දු, කුසල් මෙන්ඩිස්, කමිඳු මෙන්ඩිස්, ජනිත් ලියනගේ, නිෂාන් මධුෂ්ක, නුවනිඳු ප්‍රනාන්දු, වනිඳු හසරංග, මහීෂ් තීක්‍ෂණ, දුනිල් වෙල්ලාලගේ, ජෙෆ්රි වැන්ඩසේ, අසිත ප්‍රනාන්දු, ළහිරු කුමාර, මොහොමඩ් ශිරාස් සහ ඒෂාන් මාලිංග