IMG-LOGO

2024 පෙබරවාරි මස 25 වන ඉරිදා


කොමර්ෂල් බැංකුවේ ශේෂ පත්‍රයේ වර්ධනයක්

ණය දීම කෙරෙහි වැඩි අවධානයක් යොමු කරමින් කොමර්ෂල් බැංකු සමූහය 2023 තුන්වැනි කාර්තුවේදී දළ ණය සහ අත්තිකාරම් රුපියල් බිලියන 51.404කින් ඉහළ නංවා ඇති අතර, මාස තුනක් තුළදී ණය පොත රුපියල් ට්‍රිලියන 1.239ක් දක්වා සියයට4.33කින් වර්ධනය කර ඇතැයි එම බැංකුව සඳහන් කරයි.

එම කාලය තුළ සමූහයේ තැන්පතු රුපියල් ට්‍රිලියන 2ක සන්ධිස්ථානය ඉක්මවා ගිය අතර, 2023 සැප්තැම්බර් 30 අවසන් වන මාස තුන තුළ රුපියල් බිලියන 79.808කින්, එනම්, සියයට4.07කින් රුපියල් ට්‍රිලියන 2.038ක් දක්වා වර්ධනය වී ඇත. මෙය මාසිකව රුපියල් බිලියන 26.603ක සාමාන්‍ය වර්ධනයකි.

කොමර්ෂල් බැංකුව සහ එහි අනුබද්ධ සමාගම්වලින් සමන්විත කොමර්ෂල් බැංකු සමූහය කොළඹ කොටස් වෙළඳපොළ (CSE) වෙත වාර්තා කළේ, වසරේ පළමු භාගයේ ප්‍රවණතාව වෙනස් කරමින් මාස තුනක කාලය තුළ මුළු වත්කම් රුපියල් බිලියන 63.343කින්, එනම්, සියයට 2.57කින් වර්ධනය වෙමින් සැප්තැම්බර් 30 වන විට රුපියල් ට්‍රිලියන 2.526ක් දක්වා ඉහළ ගොස් ඇති බවයි.

රුපියල් බිලියන 255.963ක් වූ සමූහයේ දළ ආදායම 2023 ජුනි 30 වැනි දින සිට සියයට 52.66ක වර්ධනයක් සහ 2022 අදාළ මාස නවයට වඩා සියයට 30.88ක වර්ධනයක් පිළිබිඹු කරන අතර, රුපියල් බිලියන 224.570ක් වූ පොලී ආදායම වසරේ පළමු භාගයේ අගයට වඩා සියයට48.91ක වර්ධනයක් සහ වසරකට පෙර තිබූ අගයේ සිට සියයට49.46ක වර්ධනයක් පෙන්වන බව සමූහය පවසයි.

මේ අතර, පොලී වියදම් 2023 ජුනි 30 වැනි දින සිට සියයට 44.39කින් සහ සලකා බලන මාස නවය සඳහා, වසරකට පෙර තිබූ අගයට සාපේක්ෂව සියයට 87.19කින් රුපියල් බිලියන 163.688ක් දක්වා වර්ධනය විය. එහි ප්‍රතිඵලයක් ලෙස රුපියල් බිලියන 60.882ක් වූ ශුද්ධ පොලී ආදායම 2022 අදාළ කාලපරිච්ඡේදයට වඩා සියයට3.08කින් ආන්තික ලෙස පහත වැටී ඇති අතර, තුන්වැනි කාර්තුවේ ශුද්ධ පොලී ආදායම වූ රුපියල් බිලියන 23.432 අගය, 2022 අනුරූප කාර්තුවට වඩා සියයට6.02ක වර්ධනයක් පෙන්නුම් කර ඇත.

මෙම ප්‍රතිඵල පිළිබඳව අදහස් දක්වමින් කොමර්ෂල් බැංකුවේ සභාපති, මහාචාර්ය ආනන්ද ජයවර්ධන මහතා මෙසේ පැවැසීය.

“ආදායම් උත්පාදනය, ආයෝජන අවදානම් කළමනාකරණය, ණය දීම, තැන්පතු රැස් කිරීම සහ වත්කම්-වගකීම් ගැළපීම යන බහුවිධ අංශවලට ආභාෂය ලබා දෙන බාහිර සාධකවල අඛණ්ඩ බලපෑම් අපගේ කාර්ය සාධනයෙන් පිළිබිඹු වේ. මෙම තත්ත්වය තුළ, බැංකු විසින් තම මූලික කාර්යභාරය වන මූල්‍ය මැදිහත් වීම කෙරෙහි අවධානය යොමු කළ යුතු වන අතර, තුන් වැනි කාර්තුව සඳහා අපගේ ප්‍රතිඵල මෙම අවධානය විශේෂිතව පෙන්නුම් කරයි.”

කොමර්ෂල් බැංකුවේ කළමනාකාර අධ්‍යක්ෂ සහ ප්‍රධාන විධායක නිලධාරි සනත් මනතුංග මහතා මෙසේ පැවැසීය.

“රුපියලේ අගය ඉහළ යාම ආයෝජන කළඹෙහි සමස්ත අගය මත බලපෑව ද, අපගේ ණය පොතේ වර්ධනය නිසා ශක්තිමත් වර්ධනයක් අප වාර්තා කර තිබෙනවා. ජාතික ආර්ථිකය පුනර්ජීවනය කිරීමේ ප්‍රයත්නයට ද සහාය වන ණය වර්ධනයට ප්‍රමුඛත්වය දෙමින් අපගේ ශේෂ පත්‍රය පුළුල් කිරීමට අපි අමතර අවධානය යොමු කරනවා. විශේෂයෙන්ම ආර්ථිකයට ප්‍රධාන දායකත්වය සපයන කුඩා හා මධ්‍ය පරිමාණ ව්‍යවසායක අංශයට විශාලතම ණය දෙන්නා ලෙස බැංකුවට ඉදිරියට යාමට හැකියාව ලබා දෙමින්, අපගේ ද්‍රවශීල වත්කම් අනුපාතය ව්‍යවස්ථාපිත අවම අවශ්‍යතාවට වඩා සැලකිය යුතු ලෙස ඉහළ මට්ටමක පවතී.”

සමූහය මාස නවය සඳහා මූල්‍ය සේවා මත බදු ගෙවීමට පෙර රුපියල් බිලියන 28.692ක මෙහෙයුම් ලාභයක් වාර්තා කර ඇති අතර, එය සියයට12.30ක වර්ධනයකි. තව ද, සමූහය මාස නවය සඳහා රුපියල් බිලියන 25.031ක ආදායම් බදු ගෙවීමට පෙර ලාභයක්, එනම්, සියයට13.59ක වර්ධනයක් ළඟා කරගත්තේය. සමූහ ව්‍යාපාරයේ ශ්‍රී ලංකා මෙහෙයුම් සඳහා ආදායම් බදු අනුපාතය සියයට24 සිට සියයට30 දක්වා වැඩි කිරීම, මාස නවය සඳහා ශුද්ධ ලාභය රුපියල් බිලියන 14.764 දක්වා සියයට4.51කින් අඩු වීමට හේතු විය.

සමූහය 2023 තුන් වැනි කාර්තුව සඳහා බදු ගෙවීමට පෙර ලාභය සහ බදු ගෙවීමට පසු ලාභය ලෙස පිළිවෙළින් රුපියල් බිලියන 10.939ක් සහ රුපියල් බිලියන 6.473ක් වාර්තා කර ඇති අතර, එය සියයට26.30 සහ සියයට3.03ක වර්ධනයක් පිළිබිඹු කරයි.

කොමර්ෂල් බැංකුවේ සභාපති, මහාචාර්ය ආනන්ද ජයවර්ධන සහ කළමනාකාර අධ්‍යක්ෂ සහ ප්‍රධාන විධායක නිලධාරි සනත් මනතුංග.

595



අදහස් (0)

කොමර්ෂල් බැංකුවේ ශේෂ පත්‍රයේ වර්ධනයක්

ඔබේ අදහස් එවන්න

දියත

කසිප්පු වැටලීමට ගිය යතුරු පැදියට ගිනි තියලා
2024 පෙබරවාරි මස 25 172 0

කසිප්පු වැටලීමට ගිය කතරගම පොලිස් නිළධාරින් සතු යතුරු පැදියකට කිසියම් පිරිසක් ගිනි තබා විනාශ කර දමා තිබේ .


නිධන් සෙවූ බැංකු කළමනකරු ඇතුළු පහක් මාට්ටු
2024 පෙබරවාරි මස 25 164 0

පොළොන්නරුව ඉසිපතන මාවතේ, පිහිටි රෝහලක පිටුපස, හෝටල් භූමියක පුරාවස්තු සෙවීමේ අරමුණින් කැණීම් සිදු කරමින් සිටි දඹුල්ල ප්‍රදේශයේ පෞද්ගලික බැංකු කළමණාක


ඉත්තෑගල
2024 පෙබරවාරි මස 24 9 0

ඉත්තෑගලයාය ගම්මානය රත්නපුර දිස්ත්‍රික්කයේ වැලිගෙපොල හා කල්තොට යන ප්‍රාදේශීය ලේකම් කොට්ඨාස දෙකට අයත් වනසේ පිහිටා ඇත.


රත්ගම දුම්රිය අනතුරින් නාවික සෙබළා මරුට
2024 පෙබරවාරි මස 24 474 0

රත්ගම විජයරත්න මාවත දුම්රිය හරස් මාර්ගයේදී යතුරුපදියකින් ගමන් ගත් නාවික හමුදා සෙබළකු දුම්රියක ගැටීමෙන් ඔහු එම ස්ථානයේදීම මිය ගොස් ඇති බව රත්ගම පොලිස


මාමණ්ඩිය මරා ඇප පිට ඇවිත් නැන්දම්මාත් මරලා
2024 පෙබරවාරි මස 24 1347 0

පෞද්ගලික ආරවුලක් මත බෑනා සිදුකළ කැති පහරකින් නැන්දම්මා ජීවිතක්ෂයට පත්ව ඇතැයි වාලච්චේන පොලිසිය පවසයි.


ඇමති නම් විකුණා ලක්ෂ 54කට විද්ද ශිෂ්‍යත්ව ගුරා මාට්ටු
2024 පෙබරවාරි මස 24 411 0

අමාත්‍යවරුන් දෙදෙනකුගේ ලේකම්වරුන් හඳුනන බව හගවමින් ඊශායල් හා ඉතාලි රැකියාවලට යවන්න රුපියල් ලක්ෂ 54 මුදලක් වංචා සහගතව ලබා ගත්තේ යයි කියන පහ වසර පෞද්ගල


මේවාටත් කැමතිවනු ඇති

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 240 0
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි 2024 පෙබරවාරි මස 13 274 0
නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි

දශක 6කට අධික ඉතිහාසයකට උරුමකම් කියන ශ‍්‍රී ලංකාවේ පුරෝගාමී රක්ෂණ සමාගම වන ශ‍්‍රී ලංකා ඉන්ෂුවරන්ස් සිය ජීවිත හා සාමාන්‍ය රක්ෂණ ව්‍යාපාර නීත්‍යානුකූල

හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි 2024 පෙබරවාරි මස 12 283 0
හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි

හලාල් ප්‍රතීතන කවුන්සිලය (Halal Accreditation Council), ජාතික අපනයනකරුවන්ගේ මණ්ඩලයේ (NCE) සංවිධානත්වයෙන් 2023 දෙසැම්බර් 8වන දින පැවැත්වුණු 31 වැනි NCE අපනයන සම්මාන උළෙලේ දී අඛණ්

Our Group Site