(අංජුල මහික වීරරත්න)

පාර්ලිමේන්තුවේ මිරිස් කුඩු ගැසූ සිද්ධිය වත්මන් අග්‍රාමාත්‍යවරයා සහ රනිල් වික්‍රමසිංහ මහතා සාකච්ඡා කොට කළ දෙයක් ද? මේ පිටුපස රනිල් වික්‍රමසිංහ මහතාද සිටින්නේ දැයි හිටපු කතානායක කරූ ජයසූරිය මහතාගෙන් සාමාජ මාධ්‍ය සාකච්ඡාවකදී විමසූ විට හිටපු කතානායකවරයා එය ප්‍රතික්ෂේප නොකිරීම ගැන තමා පුදුමයට පත්වන බව හිටපු අග්‍රාමාත්‍ය සහ එක්සත් ජාතික පක්ෂ නායක රනිල් වික්‍රමසිංහ මහතා කෘත්‍යාධිකාරී මණ්ඩල රැස්වීමේදී පැවසීය.

තමා සහ වත්මන් අගමැතිවරයා එකට එකතු වී මිරිස්කුඩු සිද්ධිය කළැයි චෝදනා කිරීම මහා බොරුවක් වන අතර ඒ චෝදනාව ගැන පුදුමයට පත් වන බවද රනිල් වික්‍රමසිංහ මහතා කෘත්‍යාධිකාරී මණ්ඩල රැස්වීමෙිදී සඳහන් කළේය.

පිටකෝට්ටේ සිරිකොත එක්සත් ජාතික පක්ෂ මූලස්ථානයේ පැවැති මෙම කෘත්‍යාධිකාරී මණ්ඩල රැස්වීමෙි දී රනිල් වික්‍රමසිංහ මහතා මේ බව සඳහන් කළේය.