IMG-LOGO

2025 සැප්තැම්බර් මස 16 වන අඟහරුවාදා


අමරපුර මහා නාහිමියෝ අපවත් වෙති

 

බුද්ධ ශාසනයේ චිරස්ථිතිය උදෙසා යුග  මෙහෙවරක් ඉටුකළ හෙළ පඬිරුවනක්වූ  දොඩම්පහල චන්දසිරි අමරපුර මහා නිකායේ උත්තරීතර මහා නායක හිමියෝ ශ්‍රී ජයවර්ධනපුර රෝහලේදී අද (16) උදෑසන  අපවත් වූහ.

අපවත් වනවිට  84 වැනි වියේ පසුවූ චන්දසිරි නාහිමියෝ කොටුගොඩ ධම්මාවාස  නාහිමියන්ගේ   අපවත්වීමෙන් අනතුරුව   2021 වර්ෂයේ ජුලි මස 20 වැනිදා එම නායක ධූරයට පත්වූහ.

මාතර දිස්ත්‍රික්කයේ දොඩම්පහල ග්‍රාමීයේදී 1939  වර්ෂයේ දෙසැම්බර් මස 20 වැනිදා එදිරිසූරිය පටබැඳිගේ මිසි නෝනා උපාසිකා මාතාවට එදිරිවීර පටබැඳිගේ සරනේරිස්  සිල්වා මහතාට දාව  උපත ලැබූ උන්වහන්සේ නූපේ ජය මහා විහාරාධිපති මාතර ශ්‍රී මේධානන්ද නාහිමියන් වහන්සේගේ සහ වාලුකාරාමාධිපති මාතර ශ්‍රී සද්ධර්මාරාම නාහිමියන් වහන්සේගේ ආචාර්ය උපාධ්‍යාත්වයෙන් කුඩාවැල්ල වාළුකාරාමයේදී  පැවිදි දිවියට
ඇතුළත් වූහ.

මාතර වීරබා පිරිවෙනෙන් මූලික අධ්‍යාපනය හැදෑරූ  චන්ද්‍රසිරි හිමියෝ ගාල්ලේ විද්‍යාලෝක පිරිවෙනෙන් උසස් අධ්‍යාපනය ලැබූහ.

උන්වහන්සේ 1962 වර්ෂයේ ජුනි මස 17 වැනිදා උපසම්පදාවට පත්වූහ.

කුඩාවැල්ලේ වංගීස නායක හිමියන් සමග එක්ව "ගෝතම තපෝවනය"  නමැති භාවනා මධ්‍යස්ථානය පිහිටුවීමට මුල් වූයේද උන්වහන්සේය.

මඩිහේ පඤ්ඤාසීහ, දවුල්දෙන ඤාණිස්සර, සහ  කොටුගොඩ ධම්මාවාස යන මහනායක හිමිවරු අමරපුර මහා නිකායේ මහා නායක පදවිය මීට පෙර හෙබවූහ.

සම්බුදු සසුන වෙනුවෙන්‌ උදාරතර ලෝක ශාසනික සේවාවක නිරතවීම සැලකිල්ලට ගෙන  දොඩම්පහළ චන්දසිරි මහානායක  ස්වාමින්ද්‍රයන්‌ වහන්සේට මියන්මාර රජය විසින්  2021 ජනවාරි මස 04 වන දින අග්ගමහා පණ්ඩිත උපාධිය පිරිනමනු ලැබීය.

සිංහල පාලි සංස්කෘත, ඉතිහාසය, පුරා විද්‍යාව  ආදි විෂයයන්‌ පිළිබඳව ප්‍රාමණික උගතකුවූ දොඩම්පහල චන්ද්‍රසිරි උත්තරීතර මහා නායක හිමියන්ගේ  ආදාහන පූජෝත්සවය  පසුව දැනුම් දෙනු ලැබේ.

(සුජිත් හේවාජුලිගේ)



අදහස් (6)

අමරපුර මහා නාහිමියෝ අපවත් වෙති

I am ranjith Tuesday, 16 May 2023 08:35 PM

රාජගිරියේ අරියඥාන හිමි වැනි ව්ශිෂ්ට ශිෂ්‍ය පරපුර ක් බිහි කළ ඔබ වහන්සේ ට උතුම් වූ නිර්වාණය සාක්ෂාත් වේවා

:       0       1

රංජිත් වික්‍රමගේ Tuesday, 16 May 2023 08:38 PM

රාජගිරියේ අරියඥාන හිමි වැනි ව්ශිෂ්ට ශිෂ්‍ය පරපුර ක් බිහි කළ ඔබ වහන්සේ ට උතුම් වූ නිර්වාණය සාක්ෂාත් වේවා

:       0       1

නවොද්‍යා අබේසුරිය Tuesday, 16 May 2023 11:04 PM

අමාමහ නිවන් සුවය ලැබේවා හාමුදුරුවන් වහන්සේට

:       0       1

හේමකුමාර Wednesday, 17 May 2023 06:39 AM

එම නිකායේම සබරගමුවේ නායක හාමුදුරුවෝත් ඊයේ සවස අපවත් වුනා කියලා ආරංචියක් ලැබුනා එම හාමුදුරුවන් දෙදෙනා වහන්සේසේටම නිවන්සැප ලැබේවා

:       0       1

SUNIL MILANO Wednesday, 17 May 2023 02:52 PM

ඔබ වහන්සේ තම මව්බිම වෙනුවෙන් කළ සේවයට හිසනමා ගෞරව කරන අතර අජරාමර නිවන් සම්පත්තිය ලැබේවායි පතමි...

:       0       0

ජානක Wednesday, 17 May 2023 11:48 PM

ඔබවහන්සේට නිවන්සුව පතමු.

:       0       0

ඔබේ අදහස් එවන්න

 

 
 

වැඩි දෙනා කියවූ පුවත්


මහින්ද ආපහු කොළඹ පදිංචියට
2025 සැප්තැම්බර් මස 14 29927 30


රන්ජන් පීල්ල මාරු කරයි
2025 සැප්තැම්බර් මස 14 12068 7

මහින්දගේ නිල නිවෙස සීඅයිඩියට
2025 සැප්තැම්බර් මස 03 10891 30

මේවාටත් කැමතිවනු ඇති

ගෝලීය නොබෙල් සාම සමුළුවේ ප්‍රධාන ආරාධිත අමුත්තා ලෙස මහාචාර්ය මොහාන් මුණසිංහ මහතාට ගෞරවය හිමිවේ 2025 සැප්තැම්බර් මස 11 757 0
ගෝලීය නොබෙල් සාම සමුළුවේ ප්‍රධාන ආරාධිත අමුත්තා ලෙස මහාචාර්ය මොහාන් මුණසිංහ මහතාට ගෞරවය හිමිවේ

2007 නොබෙල් සාම ත්‍යාගයේ සම-ජයග්‍රාහකයා (උප සභාපති, IPCC-AR4) සහ 2021 නිල් ග්‍රහලෝක ත්‍යාගය(Blue Planet Prize) ලැබූ මහාචාර්ය මොහාන් මුණසිංහ මහතා

සියපත ෆිනෑන්ස් 57 වැනි ශාඛාව තඹුත්තේගම නගරයේදී දැන් විවෘතයි 2025 සැප්තැම්බර් මස 11 225 0
සියපත ෆිනෑන්ස් 57 වැනි ශාඛාව තඹුත්තේගම නගරයේදී දැන් විවෘතයි

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 57 වැනි ශාඛාව පසුගියදා තඹුත්තේගම නගරයේදී විවෘත කෙරිණ. සියපත ෆි

ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි. 2025 අගෝස්තු මස 30 877 0
ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි.

ශ්‍රී ලංකාවේ ප්‍රමුඛතම නාගරික අපද්‍රව්‍ය කළමනාකරණ සේවා සපයන්නා වන Abans සමූහයේ තිරසාර අංශය ද වන ක්ලීන්ටෙක් පුද්ගලික සමාගම, SCOPE වැඩසටහන යටතේ, ශ්‍රී ලංකා වා

Our Group Site