(ඩයනා උදයංගනී,ඡායාරූප - රොමේෂ් ධනුෂ්ක සිල්වා )

ශ්‍රී ලංකා යුද හමුදාව සංවිධානය කළ කොළඹ ආරක්‍ෂක සම්මන්ත‍්‍රණය ජනාධිපති මෛතී‍්‍රපාල සිරිසේන මහතාගේ ප‍්‍රධානත්වයෙන් කොළඹ බණ්ඩාරනායක අනුස්මරණ ජාත්‍යන්තර සම්මන්ත‍්‍රණ ශාලාවේදී අද (28) ආරම්භ විය.

මෙම සම්මන්ත‍්‍රණය හෙට (29) දිනයේදී ද පැවැත්වෙන අතර ඉන්දියාට ඇතුළු රටවල් රැසක ආරක්‍ෂක අංශ නියෝජිතයෝ මේ සඳහා සහභාගී වී සිටිති.

මෙහි ආරම්භක සැසිවාරයේ ප‍්‍රධාන දේශනය ඇමෙරිකා එක්සත් ජනපදයේ විශ‍්‍රාමික අද්මිරාල් විලියම් ජේ. ෆැලෝන් මහතා විසින් පවත්වනු ලැබීය.

ආරක්‍ෂක ලේකම් කපිල වෛද්‍යරත්න මහතා හා යුද හමුදාපති ලූතිනන් ජෙනරාල් මහේෂ් සේනානායක මහතා ද මෙහිදී ආරම්භක සැසිය ඇමතීය.

ප‍්‍රාදේශීය සංවර්ධන අමාත්‍ය ෆීල්ඞ් මාර්ෂල් සරත් ෆොන්සේකා, ආරක්ෂක රාජ්‍ය අමාත්‍ය රුවන් විජයවර්ධන, ජනාධිපති ලේකම් ඔස්ටින් ප‍්‍රනාන්දු, ආරක්ෂක මාණ්ඩලික ප‍්‍රධානී අද්මිරාල් රවීන්ද්‍ර සී. විජේගුණරත්න , නාවික හමුදාපති වයිස් අද්මිරාල් ට‍්‍රැවිස් සින්නයියා, ගුවන් හමුදාපති එයාර් මාර්ෂල් කපිල ජයම්පති යන මහත්වරුන් ද මෙම අවස්ථාවට සහභාගී වූහ.