IMG-LOGO

2023 දෙසැම්බර් මස 08 වන සිකුරාදා


බිහිසුණු යුද්ධයේ අවසන් දින කිහිපයෙන්...

 

යුද්ධය නිමාවීමට වසර දෙකකට පමණ පෙර සිට එල්.ටී.ටී.ඊ සංවිධානය බලවත් අර්බුදයකට ගොදුරු වී සිටියේය. එයට හේතුව සංවිධානයේ ජ්‍යෙෂ්ඨ නායකයන් කිහිප දෙනෙකුම විවිධ රෝගාබාධයන්ට ගොදුරු වී සිටීමය. වයස අවුරුදු පනහ පසු කර සිටි ඔවුහු සුවබර නින්දක්, පෝෂ්‍යදායි ආහාරයක් නොලැබීම, කලට වෙලාවට ආහාර නොගැනීම වැනි කාරණා නිසා අධික රුධිර පීඩනය, දියවැඩියාව, කොඳු ඇට පෙළ ආශ්‍රිතව හටගන්නා විවිධ ආබාධයන්ට ලක් වී සිටියහ.


සංවිධානයේ ජ්‍යෙෂ්ඨ නායකයකු වූ බි්‍රගේඩියර් බාල්රාජ් දියවැඩියා රෝගය වැලදීම නිසා මාස කිහිපයක් දුක්විඳ නොසිතූ මොහොතක මිය ගියේය. මෙවැනි තත්ත්වයන් නිසා කොටි සංවිධානයට දක්‍ෂ ශක්තිමත් දෙවැනි පෙළ නායකත්වයක් අහිමි වූ අතර එහි ප්‍රතිඵලයක් ලෙස සංවිධානයේ යුද ශක්තිය වේගයෙන් පිරිහී ගියේය.


යුද්ධයේ අවසන් දින කිහිපයේ දී මුල්ලිවයික්කාල්හි වට්ටුවහල් පාලමෙන් දෙමළ ජනයා ගංගාවක් මෙන් හමුදා පාලන ප්‍රදේශයට ඇතුළු වීමට පටන් ගත්හ. මෙම අවස්ථාවේදී ශ්‍රී ලංකා හමුදාව ජනතාව දෙසට වෙඩි නොතබා, මුල්ලිවයික්කාල් ප්‍රදේශයට වෙඩි ප්‍රහාර එල්ල කරනු අපි දුටුවෙමු. එමෙන්ම තමන්ගේ ප්‍රදේශයට එන දෙමළ ජනතාවට අවශ්‍ය පහසුකම් සැපයීමට හමුදාව යුහුසුලු වන අයුරුද අපි දුටුවෙමු. එහෙත් අප යම් මොහාතක දී සාමාන්‍ය දෙමළ ජනයා මෙන් හමුදා පාලන ප්‍රදේශයට ඇතුළු වීමට ක්‍රියා කළහොත් අපට කවරාකාර පිළිගැනීමක් ලැබේවිදැයි යන සැකයන් භීතියක් අපට ඇති විය. 


මම සමාන්‍ය දෙමළ ජනයා සමග මුලතිව් ක්‍රීඩා පිටියට ඇතුළුවීමි. එම ක්‍රීඩා පිටිය වටකර කටුකම්බි ගසා තිබූ අතර ක්‍රීඩා පිටියෙන් පිටත ආයුධ සන්නද්ධ සෙබළු රැදී සිටියහ. එහෙයින් ක්‍රීඩාපිටියෙන් පිටතට යාමට අපට නොහැකි විය. විශේෂත්වය නම් මේ මොහොත වන විට වෙඩි පිපිරෙන හඬ හෝ බෝම්බ පිපිරෙන හඬ නොඇසීමය. අපට කුසගින්න අධිකව දැනුණද කෑමට බීමට කිසිවක් එහි නොවීය සාමාන්‍ය දෙමළ ජනයා සමග මමද නිරාහාරව පිටියේ වාඩි වුණෙමි. සැබැවින්ම මරණය අප වෙත කොයි මොහොතේ පැමිණේවිදැයි යන සැකය අප තුළ විය. අපගේ ජීවිතවල ඉරණම තීරණය කිරීමේ බලය ශ්‍රී ලංකා යුද හමුදාව සතුවීම මගේ ජීවිතයේ මා විඳි විශාලම වේදනාව විය.


මේ අතරවාරයේ යුද හමුදා සෙබළු කෑම පාර්සල් හා වතුර බෝතල් අප වෙත පිරිනැමූහ. අපේ සංවිධානයේ සෙබළියන් කිහිප දෙනෙකු සමග ක්‍රීඩා පිටියේ බිම වාඩි වී සිටියෙමි. වතුර පිපාසය හා අධික කුසගින්න මේ මොහොත වන විට මා තුළින් තුරන් වී තිබිණි. සංවිධානයට ද්‍රෝහි වූවා දැයි යන වේදනාව මා තුළ විය.


ගෙවී යන තත්පරයෙන් පසුව එළැඹෙන ඊළඟ තත්පරයේ දී අපට කුමන ඉරණමක් අත්වේදැයි යන බිය අප තුළ විය. අප සමග සිටි සාමාන්‍ය ජනයා හැඳුනුම්පත් හා තමන්ගේ නිර්දෝෂිභාවය ඔප්පු කළ හැකි විවිධ ලිපි ලේඛන අතැතිව පෝලිම් ගැසී සිටියහ. එම ක්‍රීඩාපිටියට විශාල වශයෙන් තව තවත් දෙමළ ජනතාව ඇතුළු වෙමින් සිටියහ.


එදින රාත්‍රීයේ දී මා සහ මගේ මව පරීක්‍ෂා කිරීමෙන් පසුව ගොඩනැගිල්ලක් තුළට රැගෙන යන ලදී. එහෙත් එතැන ඉඩ නොවීය. එහෙයින් අපි යළිත් ක්‍රීඩාපිටියට ගොස් වැලි ගොඩක් මත නිදා ගත්තෙමු.


ඊට පසුදින සාමාන්‍ය දෙමළ ජනයා බස් රථවලට නංවා එතැනින් පිටත් කර හැරිණි. මා සහ මගේ මවද බස් රථයකට ඇතුළුවීමු. අප සිටි බසයේ කුඩා දරුවෝ කිහිප දෙනෙක්ද සිටියහ. අප කළ අපරාධය නිසා මේ කුඩා දරුවන්ට මෙසේ දුක් විඳීමට සිදු වූවා නේදැයි යන වේදනා බර සිතිවිල්ල මා තුළ හටගත්තේය. එය විශාල පසුතැවීමකි.


රාත්‍රිය වන විට අපි එක්තරා ස්ථානයකට පැමිණියෙමු. බසයෙන් බැස බිම වාඩිවන ලෙස අපට නියෝග ලැබිණි. එහිදී ශබ්ද විකාශන යන්ත්‍රයකින් දෙමළ බසින් අප ඇමතූ හමුදා නිලධාරියෙකු ශ්‍රී ලංකාවේ ජනාධිපතිතුමා ඔබ සැම සාදරයෙන් පිළිගන්නවා. දීර්ඝ කාලයක් යුද්ධයෙන් පීඩා විඳි ඔබ සැම බේරා ගැනීමට අපි සමත් වුණා. දැන් ඔබ සැමට කිසිදු බියක් නොමැතිව ජීවත් විය හැකියාව තිබෙනවා’යි ප්‍රකාශ කළේය.


ඉන් අනතුරුව තවත් නිවේදන කිහිපයක් ම නිකුත් විය.
ඉතිරිය ලබන සතියට.

පරිවර්තනය : එස්. තිලෙයිනාදන්

 

 



අදහස් (1)

බිහිසුණු යුද්ධයේ අවසන් දින කිහිපයෙන්...

Mahesh Monday, 06 March 2017 02:19 AM

වැදගත් ලිපියක්.... ඊ ළඟ කොටස හැකි ඉක්මණින් පළ කරන්න....

:       1       3

ඔබේ අදහස් එවන්න

ජයාරූප

කෙහෙල්බද්දර තරුණයා ඝාතනයට පහක් සැකපිට
2022 අගෝස්තු මස 28 7010 1

ගම්පහ උඩුගම්පොල, කෙහෙල්බද්දර දී පුද්ගලයකු ඝාතනය කිරීමේ සිද්ධිය සම්බන්ධයෙන් ගිනි අවියක් සමග 36 හැවිරිදි කාන්තාවක් ඇතුලු පස් දෙනකු අත් අඩංගුවට ගත් බව ගම


අටුළුගම අතුරුදන් දැරියගේ සිරුර හමුවෙයි
2022 මැයි මස 28 26047 12

බණ්ඩාරගම අටුළුගම ප්‍රදේශයේ දී ඊයේ (27) පෙරවරුවේ අතුරුදහන්ව වූ දැරියගේ මළසිරුරු මීට සුළු මොහොතකට පෙර අටුළුගම ප්‍රදේශයේ වෙල්යායක් ආසන්නයේ තිබී සොයා ගත්



ඉතින්... කොහොමද?
2020 මාර්තු මස 14 1349 1




මේවාටත් කැමතිවනු ඇති

ශ්‍රී ලංකාවේ සනීපාරක්ෂාවේ ගැටලුවලට නිමාවක් ගෙන එන හමිංබර්ඩ් කථාව 2023 නොවැම්බර් මස 19 986 0
ශ්‍රී ලංකාවේ සනීපාරක්ෂාවේ ගැටලුවලට නිමාවක් ගෙන එන හමිංබර්ඩ් කථාව

අද එක්සත් ජාතීන්ගේ ලෝක වැසිකළි දිනයයි. වසර 2030 වන විට ලොව පුරා සැමට පූර්ණ සනීපාරක්ෂව හිමි කර දීම ඉලක්ක කරගෙන “වේගයෙන් වෙනස කරා”

රේන්කෝ ස්වර්ණමය ප‍්‍රමිතිය හා නව්‍යකරණයේ ජවය ISO 9001:2015 සහතිකයෙන් පිදුම් ලබයි 2023 නොවැම්බර් මස 01 743 2
රේන්කෝ ස්වර්ණමය ප‍්‍රමිතිය හා නව්‍යකරණයේ ජවය ISO 9001:2015 සහතිකයෙන් පිදුම් ලබයි

නිෂ්පාදනය, අලෙවිකරණය හා බෙදාහැරීම යන අංශ ඔස්සේ නව්‍යකරණයෙන් පිරිපුන් උසස් තත්ත්වයේ කුඩ සහ මදුරු දැල් ඇතුළු නිෂ්පාදන පෙළක් හඳුන්වාදෙමින් ශ්‍රී ලාංකී

උත්සාහය හා දැඩි කැපවීම නිසා ක‍්‍රිකට් දිවිය ජයගත් එෂාන් මාලිංගගේ අපූරු කතාව 2023 සැප්තැම්බර් මස 06 4723 0
උත්සාහය හා දැඩි කැපවීම නිසා ක‍්‍රිකට් දිවිය ජයගත් එෂාන් මාලිංගගේ අපූරු කතාව

දැඩි ආශාව හා කැපවීම මුණගැසෙන ක‍්‍රිකට් වැනි ක්ෂේත‍්‍රයක් තුළ, එෂාන් මාලිංග පැමිණි ගමන් මග නම් එතරම් ආශ්වාදජනක එකක් නොවේ. ඔහුගේ පන්දු යැවීමේ වේගය හා දක

Our Group Site