(දයාරත්න ඇඹෝගම)

අනුරාධපුර බන්ධනාගාරයේ රැඳවියකුට කොරෝනා රෝගය වැළදී ඇතැයි සැකයට අනුරාධපුර ශීක්ෂණ රෝහලට ඇතුළත් කළ රෝගියාට බියෙන් බන්ධනාගාර නිලධාරින් සේවයට වාර්තා නොකිරිමෙන් බන්ධනාගාරයේ රාජකාරි කටයුතු වලට බාධා ඇති වී තිබෙන උසස් නිලධාරියකු අද (15) පැවසීය.

මෙම පුද්ගලයා දිර්ඝ කාලයක් අසර්බයිජානයේ සේවය කර ඩුබායි රාජ්‍ය හරහා පසුගිය මාසයේ 17 වැනිදා දිවයිනට පැමිණි පුද්ගලයෙකි.

ගල්කිරියාගම,දේවහුව ප්‍රදේශයේ පදිංචි මෙම පුද්ගලයා රථවාහන නඩුවක් සම්බන්ධයෙන් කැකිරාව අධිකරණය මගින් රුපියල් 25,000 ක දඩයකට යටත්ව එය නොගෙවිමෙන් බන්ධනාගාරගත වූ අයෙකි.

මෙම පුද්ගලයා රෝහල්ගත කිරිමෙන් පසුව එම රෝගයට බියෙන් 215 කට ආසන්න බන්ධනාගාර නිලධාරින්ගෙන් 150කට ආසන්න පිරිසක්ම සේවයට වාර්තා නොකළ බව බන්ධනාගාර අධිකාරි රෝහණ ගලප්පත්ති මහතා කීවේය.