(සුජිත් හේවාජුලිගේ සහ අංජුල මහික වීරරත්න)

ඉන්ධන වලින් සියලු බදු ඉවත් කරන ලෙස විපක්ෂ නායක සජිත් ප්‍රේමදාස මහතා පාර්ලිමේන්තුවේදී අද ඉල්ලීමක් කළේය.

තෙල් මිල වැඩි කිරීමට නොව අඩු කිරීමට කටයුතු කළ යුතු බව ඔහු ප්‍රකාශ කළේය.

පරණ තොග වලට මිල වැඩි කිරීම වැරදි බව පැවසූ විපක්ෂ නායකවරයා එකතු කළ අගය මත බද්ද සමාජ ආරක්ෂණ දායකත්ව බද්ද නිෂ්පාදන බද්ද රේගු ආනයන බද්ද සහ විශේෂ වෙළඳ භාණ්ඩ බද්ද තෙල් වලින් ඉවත් කළ යුතු බවද ඔහු සඳහන් කළේය.

මේ අය බලයට පත් වූයේ වරායෙන් ගොඩ බාන මිලටම තෙල් දෙන බවට පොරොන්දු දෙමින් යයි ඔහු කීවේය.