කේ බුද්ධික කුමාරසිරි, ගයාන් සූරියආරච්චි සහ එච්.එස් ඒ නන්දන

හංවැල්ල වග නෙළුවත්තුඩුව ප්‍රදේශයේ තම නිවස ඉදිරිපිට පුටුවක වාඩි වී සිටි ව්‍යාපාරිකයකුට කිසිවෙකු විසින් අද (30) රාත්‍රි වෙඩි තබා ඝාතනය කර ඇතැයි හංවැල්ල පොලිසිය පවසයි

මෙලෙස ඝාතනයට ලක්වී ඇත්තේ හංවැල්ල නෙළුවත් උඩුව ප්‍රදේශයේ පදිංචිකරුවකු වන ඩබ්.ඩී. වජිර නිශාන්ත නමැති 55 හැවිරිදි රථ වාහන අමතර කොටස් වෙළඳාමේ නිරත වූ ව්‍යාපාරිකයෙකි

වෙඩි වැදීමෙන් බරපතළ තුවාල ලැබූ ව්‍යාපාරිකයා අවිස්සාවේල්ල මූලික රෝහලට ඇතුළත් කළද ඒ වන විටත් මියගොස් සිටි බව අවිස්සාවිල්ල මූලික රෝහලේ ප්‍රකාශකයකු පැවසීය

මෙම ව්‍යාපාරිකයාට වර්ෂ 2021 දී පාතාල ක්‍රියාකාරියෙකු විසින් ඉල්ලූ කප්පම් මුදලක් ලබා නොදීමේ සිද්ධියක් සම්බන්ධයෙන් වෙඩි තැබීමක් සිදුවූ අතර එහිදී ඔහුට ජීවිතය බේරා ගැනීමට හැකි විය

සිද්ධිය වූ ස්ථානයට පැමිණි නුගේගොඩ පොලිස් කොට්ඨාසයේ අපරාධ ස්ථාන පරීක්ෂණ නිළධාරීන් පරීක්ෂණ කටයුතු සිදු කරන ලදී

හංවැල්ල පොලිසිය වැඩි දුරටත් පරීක්ෂණ පවත්වයි