‘හොරුන් නොරකින බව මෛත්‍රී කියයි‘

නිම්මි, කෙනෙක් රැකියාවට අදාළව කරන සේවයට අපි ගරු කළ යුත්තෙමු. එය නගර සභාවේ කම්කරුවාටද හිමි විය යුතුය. එහෙත් අපි කිසිවෙකුට වැඳ නමස්කාර කරන මානසික තත්ත්වයෙන් ඉවත් වීම රටේ යහපතට හේතු වන්නකි. නැවත රජවරුන්ගේ යුගයකට අප යා යුතු නැත. ඔබ තවදුරටත් අවබෝධ කරගත යුතු පැත්තක් ඇති බවට මම සිතමි. (බ)

එතකොට පසුගිය දවසක "කුඩුවලට සම්බන්ධ ඇමතිලා ගැන හෙලිකළොත් ආණ්ඩුව ගෙනියන එක ප්‍රශ්නයක් වෙනවා" කියලා කිවුවේ කවුද? (නි)

කතාවට පමණක් සිමානොවී යථාර්ථවාදී වුණොත් හොඳයි (නි)

ඔබ සෑම කෙනෙක් ගැනම ජනතාව තේරුම්ගෙන අවසන්. (නි)

හොරුන් අතරෙන්ම තෝරාගෙන සම්මුති ආණ්ඩුව හදන්න ඔබතුමාට සිද්ධවුණා. නැතුව හිතට එකඟව කළ දෙයක් නොවෙයි කියා අපි දන්නවා. නමුත් ඔය කතාව විශ්වාස කරන්න බැහැ. (නි)

පසුගිය කාලේ හෙරොයින් කන්ටේනර් ගණන් ගෙන්වපු අයටත් නීතිය ක්‍රියාත්මක වෙනවද? (නි)

පුෂ්ප, ඔබ හරියටම හරි. දවසකට ටොන් ගාණක කතාකරන අපේ දේශපාලකයන්ගේ වැඩ නම් අවුන්ස වලින් මනින්නත් බැරිතරම් අඩුයි (නි)

වින්සන්ට්, මම මහින්ද රාජපක්ෂට වැඳ නමස්කාර කරනවා තමයි. ඒ එතුමා ඔබ මා ඇතුළු සියලු දෙනා මරණයෙන් මුදවාගත් නිසා. එතුමා අතින් යම් වරදක් වුණා නම් අප ඒ සියල්ල අමතක කළයුතු වෙනවා. මොකද වැරදිකාරයෝ හෙව්වොත් 225 දෙනාම වැරදි ඇති අය නිසා. දඬුවම් දෙනවා නම් සියලු දෙනාට දඬුවම් දියයුතුය. මා පුද්ගල වන්දනාවක් නොකරමි. නමුත් මේ රටට යම් සේවයක් කළ අයට ගරුකරමි. මෙතුමා මගේ රටට යම් සේවයක් කළහොත් ඔහුටත් නමස්කාර කරමි. (නි)

කියන දේවල් නම් ගොඩක් තිබෙනවා. කරන දේවල් තමා අඩු (නි)

මිනිසුන්ට බොරු ටෙලිඩ්‍රාමා එකක් තමයි හැමෝම පෙන්වන්නේ. අපේ රටේ කවදා මහත්මා දේශපාලනයක් බිහිවේද? (නි)

එතකොට යහපාලනය පටන්ගත් ගමන් සිදුුවණ මහබැංකු කොල්ලය වගේ ඒවට දැන් දඬුවම් දීලද? (නි)

එතකොට මහත්තයෝ දුමින්ද දිසානායක? රජිත්? පාටලී ? රවී? තඹ සුජීව? හිරුනිකා? මංගල ? මර්වින්? ධනුන විත් එස්එෆ් ? රිෂාඩ්? අර්ජුන්? නුවර ඕන ගොනා? සමෘද්ධි එස්බීb ? චෞර රැජින?/ අපුච්ච මලෝ? ලන්සා? පිස්සු ජෝන් ? (බ)

මෙය ක්‍රියාවෙන්ම ඔප්පුකර පෙන්වන්න (නි)

රාජ්‍ය අංශයේ හොරකම් නවතාගැනීමට හැකිවුණොත් ඔබ නියම රජෙක් අපිට (නි)

කව්රුත් උවමනාවෙන් හොරු රකින නැහැ. ආණ්ඩුව පෙරලේනවට බය නිසා තමයි හොරු රකින්නේ. ඔබතුමාටත් දැන් එක තේරෙනවා ඇතිනේ. ආණ්ඩු පෙරලන තරම් ලේසි නැහැ රට කරන එක. ඔබ බය නැතුව තීරණ ගන්න. ඔබ නිවැරදි තීරණ ගත්තොත් ඔබ ඉතිහාසයේ රන් අකුරෙන් ලියවෙයි. නැත්නම් ඔබ බොරු පම්පෝරි ගහපු නායකයෙක් ලෙස ඉතිහාස ගත වෙනවා.(රේ)

මහා බැංකු හොරුන්ට මොනවද කලේ, විල්පත්තු හොරුන් හිරේ දැම්මද, තව තවත් බොරු නොකිය ඉන්න .රට සම්පත් විකුනනවා කියල කියන්නේ මොකද , 2002 කරන්න බැරිව ඉතුරු වුණු දේපල විකුනන්නේ කගේ උවමනාවටද , එයින් ජනතාවට සෙතක් වෙනවාද , ඔබතුමා මේ රටේ ජනාධිපති වුණාට මේ එකක් වත් නතර කරන්න බැරි බව අප දැන් තේරුම් අරන් ඉන්නවා.තව කොතෙක් වචනයෙන් කිව්වට ක්‍රියාවෙන් ඔප්පු කරන්නට සමත් නැති බව අපට වැටහෙනවා.(අ)

ජනාධිපති තුමනි අලුත් ආණ්ඩුක්‍රම ව්‍යවස්ථාවක් අවශ්‍ය තමයි , හැබැයි අපිට ෆෙඩරල් ආණ්ඩු ක්‍රම ව්‍යවස්ථාවක් නම් ඕනි නැහැ. කොටි පිල්ලි සනසන හා බටහිර රටවල් වලට ඕනි වෙන ආකාරයේ අනාගතයේ අපරට දෙකඩ වෙන ආකාරයේ ආණ්ඩු ක්‍රම ව්‍යවස්ථාවක් නම් අපට එපා. (අ)

අනේ සර්, හොරු ගැන කෙසේවෙතත්, කොළොන්නාවේ කුණුගොඩ හා බොන්න වතුර ටිකක් නැති උතුරු මැද පළාත් වලට හනික පිළියමක් යොදන්න. (නි)

විල්පත්තුව පැත්තේ ටිකක් ගිහින් ආවා නම් ගොඩක් දේවල් දැනගන්න පුළුවන්වෙයි (නි)

එතකොට මහ බැංකුව එළිපිට හොරාකාපු අය අද කොහෙද ඉන්නේ? (නි)

ගිය ආණ්ඩුවේ හොරු සෙට් එකෙනුත් අරන් නේද මේ ආණ්ඩුව හැදුවේ? (නි)

නිම්මි, ජනාධිපතිතුමා නිවැරදි තීරණ ගත්තොත් ඔබ වගේම බොහෝදෙනා වැඳ නමස්කාර කරන අයට හිරේ ළඟින්නට සිදුවෙනවා ඇති. ඒ සඳහා ඇතිවන විරෝධයට මුහුණදීමට නීතිගරුක ජනතාවගේ සහයෝගය එතුමාට ලැබේවිද? ඒවගේම ඒකාබද්ධ විපක්ෂය කියන කණ්ඩායම එතුමාට ඒ වෙනුවෙන් සහයෝගය දැක්වීමක් සිදුකරවිද? එතුමාගේ නම රන් අකුරෙන් ලියන්න උත්සාහ කරන ඔබේ අදහස, නිතරම මේ පිටුවෙන් මා දකින නිම්මිගේම නම් ඇත්තෙන්ම සතුටට කරුණකි. (නි)

මට නම් ඉතින් කියන්න තියෙන්නේ කතාව දෝලාවෙන් ගමන පයින් කියලා තමයි. අනේ අපේ රටට ගිය කලක්! (නි)

ගහ දන්නා අපිටද මේ කොළ කඩාපාන්නේ? විධායක බලයම පාවිච්චි කරලා විධායක බලය නැති කරන්නකෝ, හැමදාම ඒ ගැන කියවන්නේ නැතුව. ඕවා අහලා එපාවෙලා අපිට (නි)

එහෙනම් ඇයි ජනතාව ප්‍රතික්ෂේප කළ අය ඇතුළට ගත්තේ? (නි)

ඒත් අපේ ඇස් වලට පේන්නම එහෙම අය ඉන්නවනේ (නි)

ඒත් ලෝක හොරු කීදෙනෙක් මේ වනවිටත් මේ ආණ්ඩුවේම පහනෙන් එළිය බලනවද? (නි)

හොරුන්ගෙන් තොර කිසිම ආණ්ඩුවක් මෙතෙක් ලෝකයේ බිහිවී නැහැ කියලයි මම නම් හිතන්නේ. ලෝකයේ ඕනෑම ආණ්ඩුවක අඩු වැඩි වශයෙන් දුෂිතයන් ඉන්නවා. අවශ්‍ය වන්නේ එවැනි දුෂිතයන් හඳුනාගෙන ඔවුන් ඉවත්කිරීමේ බලවත් නීතිමය පද්ධතියක් හා සදාචාරමය ක්‍රියාදාමයක් තිබීමත් එවැනි නීති බලගැන්වීමට සමත් ශක්තිමත් නායකත්වයක් තිබීමත්ය. (නි)

මෙතුමාගේ කතා වචන වලට පමණයිනේ! (නි)

නායකයකයින් දෙස බැලූවිට කීපදෙනෙක් හැර, ඔවුන් මුල්කාලයේ ගතකළ දිවිපෙවත සමඟ මේ අයට කොළඹ ගෙවල් ගන්න තරම් වත්කම් තිබුනාද කියා සිතේ. එහෙම බැලුවහම ගොඩක් දෙනෙක් හොරු කියලයි මට හිතෙන්නෙ. (නි)

ලොකු ලොකු දේවල් කරන්න කලින්, මේ පාරවල් වල තියෙන කුණු ටික පහුගිය ආණ්ඩුවෙන් කළා වගේ අයින් කරන්න. අනිත් එක දැන් පුද්ගලික බස් වලට කිසිම කාලසටහනක් නැහැ. ඕනෑ ඕනෑ විදියට යනවා (නි)