(සුජිත් හේවාජුලිගේ )

බන්ධනාගාරවල සිරමැදිරිවල වාට්ටුවල ධාරිතාව ඉක්මවා රඳවා සිටින රැඳවියන්ගේ ප්‍රතිශතය සියයට 232 ක් දක්වා ඉහළ නැග ඇති බව බන්ධනාගාරයන්හි පවත්නා තදබදය කළමනාකරණය කිරීම පිළිබඳ කාර්ය සාධන විගණන වාර්තාවේ දැක්වේ.

රඳවියන් නඩත්තු  කිරීම සඳහා රජයට වාර්ෂිකව රුපියල් කෝටි 800කට වැඩි මුදලක්  වැය වන බවද එම වාර්තාවේ සඳහන් වේ.

සමස්ත රැඳවියන්ගෙන් සියයට පනස් තුනක් මත්ද්‍රව්‍ය ආශ්‍රිත වැරදි සම්බන්ධයෙන් සිරගතව සිටින අය බව වාර්තාව සඳහන් කරයි.

බන්ධනාගාර 27ක වැසිකිළි 187 ක  හිඟයක් පවතින අතර දැනට ඇති   වැසිකිළිවලින් 287 ක් අලුත්වැඩියා කළ යුතු තත්වයේ පවතින බව විගණන වාර්තාවේ දැක්වේ.

බන්ධනාගාර ගත කෙරෙන  රැඳවියන් වෙනුවෙන් ඇප නියම කර තිබුණද  ඇප කොන්දේසි සපුරාලීමට නොහැකිවීම හේතුවෙන්  රැඳවියන් 1795 දෙනකු බන්ධනාගාර ගතව සිටින බව එහි සඳහන් වේ.

බන්ධනාගාර ආයතන දෙකක පසුගියදා 2011 වර්ෂයේ සිට 2020 වර්ෂය දක්වා ඇති වූ කැරලි හේතුවෙන් ගොඩනැගිලි කිහිපයක් විනාශවී ඇති බව වාර්තාවේ  දැක්වේ