හැත්තෑව දශකයේ පැවැති ජනප්‍රිය බ්‍රිතාන්‍ය රොක් සංගීත කණ්ඩායමක් වන රොලින්ග් ස්ටෝන්ස් මේ වනවිට චිත්‍රපටයක් බවට පත් කිරීමේ සැලසුමක් පවතින අතර, මෙහි බොහෝ දෙනාගේ කතාබහකට ලක් වුණු පුවත වී ඇත්තේ ජනප්‍රිය බිල්බෝර්ඩ් ගායක හැරී ස්ටයිල්ස්ද මෙහි රංගනයෙන් දායක වීමය. විසි දෙහැවිරිදි ඔහු මීට දායක වෙන්නේ ජනප්‍රිය රොක් ගායක මික් ජගර්ගේ චරිතය නිරූපණය කරමිනි.

මේ මොහොත වනවිට 'Exile On Main Street: A Season In Hell With The Rolling Stones' නමින් නම් කර ඇති මෙම චිත්‍රපටයේ අධ්‍යක්ෂවරයා ලෙස කටයුතු කිරීමට නියමිත ඇත්තේ ඇන්ඩි ගොඩාර්ඩ්ය. වෙනත් විදිහයකින් කියතොත් ඔහු අප කවුරුත් දන්නා “Downton Abbey” ගේ රූපවාහිනි කතා මාලාවේ අධ්‍යක්ෂවරයාය. චිත්‍රපටය සඳහා පාදක වී ඇත්තේ රොබට් ග්‍රීන්ෆීල්ඩ්ගේ කෘතියක් වන අතර, මෙය ඊළඟ බ්‍රිතාන්‍ය සීත සෘතුවේදී ප්‍රේක්ෂකයන්ට තිළිණ කිරීම නිෂ්පාදකයන්ගේ ඉලක්කය වී තිබේ.