(ගයාන් සූරිය ආරච්චි)

පවතින අයහපත් කාලගුණික තත්ත්වය හේතුවෙන් හදිසි තත්ත්වයක් ඇති වුවහොත් ඊට ප්‍රතිචාර දැක්වීම සඳහා හෙලිකොප්ටර් යානා සූදානමින් පවතින බව ගුවන් හමුදා මාධ්‍ය ප්‍රකාශක ගෘප් කැප්ටන් නලින්  වැවකුඹුර මහතා පැවසීය.

අධික වර්ෂාව හේතුවෙන් අවතැන් වූවන් පිළිබඳව හෝ ආපදා තත්ත්ව පිළිබඳව  ආපදා කළමනාකරණ මධ්‍යස්ථානයෙන් දැනුම් දීමක් කළහොත් ඊට ක්ෂණික ප්‍රතිචාර දක්වන බවද මාධ්‍ය ප්‍රකාශකවරයා පැවසීය.

ඒ වෙනුවෙන් 412 සහ 212 හෙලිකොප්ටර් යානා සූදානම් කර ඇති බවද නලින් වැවකුඹුර මහතා කීය.