(එම්.කේ.  නන්දසේන)
       
හිටපු විදේශ කටයුතු අමාත්‍යවරයකු, නැගෙනහිර පළාත් ආණ්ඩුකාර රෝහිත බෝගොල්ලාගම මහතාට අයත් සෙල්ලකතරගම දඹේ ප්‍රදේශයේ  පිහිටි නිවාඩු නිකේතනයක තිබී සොරකම් කළ බව කියන රුපියල් ලක්ෂ හතහමාරක් පමණ  වටිනා භාණ්ඩ  තොගයක් සහ සැකකරුවන් 4 දෙනෙකු අද(04) කතරගම පොලීසිය අත්අඩංගුවට ගෙන තිබේ.
         
වායුසමන යන්ත්‍ර, තහඩු, අල්මාරි, මෙට්ට, ඇඳන්, කෑම මේස,  පුටු, ශීතකරණ, නාන කාමර කට්ටල, වතුර මෝටර ඇතුළු තවත් උපකරණ තොගයක් අත්අඩංගුවට ගෙන ඇති බඩු භාණ්ඩ අතර දක්නට ලැබිණි.
         
මෙම නිකේතනය බාරව සිටි මුරකරු නිවාඩු ලබා සිටි අතරවාරයේ මෙම  සොරකම සිදුවී ඇති බවට කතරගම පොලීසියට පැමිණිල්ල ලැබී පැය 24 ක් ඇතුලත බඩු භාණ්ඩ හා සොරුන් අත්අඩංගුවට ගත්බව පොලීසිය කියයි.
       
හිටපු අමාත්‍යවරයා කතරගම පොලීසියට පැමිණ බඩු භාණ්ඩ හැඳිනගෙන ඇතැයිද පැවසේ.
       

අත්අඩංගුවට පත් සැකකරුවන් තිස්සමහාරාම අධිකරණය හමුවට පැමිණවීමට නියමිතය.