මේ රටේ එක්තරා සුප්‍රකට කොමිසමක කන්තෝරැවෙ වැඩ කරන අයට මාර නීතිරීති තොගයක් දාල කියල ආරංචියි.

ඒ නීතිරීතිවල හැටියට කොමිසමේ කාටවත් මොබයිල් ටෙලිෆෝන් කන්තෝරැවෙදි පාවිච්චිය තහනම්ලු. හදිසියකටවත් ,ලෑන්ඩ් ලයින්" එකකින් කෝල් එකක් ගන්නවනම් කොමිසමේ ලොක්කියගෙන් අවසර ගන්න ඕනලු... කවුරැහරි අවසර ඉල්ලගෙන ගියොත් එයා ලොකු බරබරයක් දමනවලු.

සියලුම සේවක සේවිකාවන්ට නිවාඩුවක් අවශ්‍ය නම් ඒ බව දවස් හතකට කලින් දන්වන්න කියලත් නියම කරල... මේ නීතිය නිසා පවුලේ කෙනකුගෙ හදිස්සි අසනීපයකදිවත් නිවාඩුවක් නම් ලැබෙන්නෙ නැහැ කියලයි ආරංචි.

කොළඹ 7 ගුවන්විදුලි කන්තෝරැව කිට්ටුව තියන කොමිෂන් කාර්යාලෙ ක්‍රියාත්මක වෙන මේ දස නීති නිසා එතන සේවකයො බොහොමයක් වෙනත් රස්සා හොයන්න පටන් අරන්ලු. ඒත් ඔය අනුන්ගෙ වැරුදි හොයන්න තියන කොමිසමට තමන්ගෙ ගේ ඇතුළෙ වෙන වැරුදි නොපෙනීම පුදුමයට කරැණක් කියල එතන සේවකයො කියනව.