(සුජිත් හේවාජුලිගේ)

තමා දේපළ උපයා ගත්ත ආකාරය ගැන හෙළි කිරීමට සූදානම් බව  වෙළෙඳ  වාණිජ ආහාර සුරක්ෂිතතා සහ සමූපකාර සංවර්ධන  අමාත්‍ය වසන්ත සමරසිංහ මහතා පැවසීය.

තමා වත්කම් බැරකම් ප්‍රකාශ   දුන්නේ  එ් හැකියාව තියෙන නිසා බව කී අමාත්‍යවරයා   ජනතාවගේ  මුදල් හොරා කෑවේ වෙන කවුරැත් නොව  පෝලිමට හිරේ යන කට්ටිය බවද    සඳහන් කළේය.

අවුරුදු විසි ගාණක්  තිස්සේ තමා හරි හම්බ කරගත් දේවල්  අැති බවත් ඇත්ත කිව්වට අද   සමහරු   බියවී සිටින බවත් සමරසිංහ මහතා පැවසීය.

තමා අයත් වන්නේ   තඹුත්තේගම සිටින පරණම පවුලට  බවත් තඹුත්තේගම තියෙන  තමාගේ  ඉඩම් දෙක පමණක්  මිලියන 225ක්  වටින බවත් ඔහු කීය

තමා විශ්ව විද්‍යාලයට යන්න කලිනුත් මෙහි ටියුෂන් කළ බවත් තමා  සදහන් කළේ  තමාගේ  ඉඩම්වල වෙළඳපොළ වටිනාකම බවත්  හෙතෙම  සඳහන් කළේය.

තඹුත්තේගම නගරයේ වෙළඳ වටිනාකම අද කවුරුත් දන්නා බව පැවසූ වසන්ත සමරසිංහ මහතා අප හැමදාම ඇත්ත ප්‍රකාශ කළ බවද සඳහන් කළේය.

“මෙම වත්කම් අල්ලස් කොමිසමට  අපිම දීපුවා”  යැයි හෙතෙම  වැඩිදුරටත් පැවසීය