(රංජන් කස්තුරි)

විශ්ව විද්‍යාල සිසුන්ට නවක වදය දීම නවීන තාක්ෂණය ඔස්සේ ද  ඉතා සූක්ෂම ලෙස සිදු කිරීමේ නව ප්‍රවණතාවයක් දැකිය හැකි යැයි විශ්ව විද්‍යාලවල උපකුලපතිවරුන්ගේ සහ අධ්‍යක්ෂවරුන්ගේ කමිටුව සඳහන් කරයි.

විශ්ව විද්‍යාලවල මෙතෙක් සිදු වූ කායික මානසික සහ ලිංගික ආකාරවලට අමතරව අලුතින් සයිබර් නවකවදය හඳුන්වාදී ක්‍රියාත්මක වන බව ද එම කමිටුව නිකුත් කළ නිවේදනයේ සඳහන් වේ.

යම් දේශපාලන අංශවල අනුබලය ලබන කණ්ඩායම්වල සාමූහික බලයෙන් සිදුකරන නවක වදය  විශ්ව විද්‍යාලවල සංකීර්ණ ප්‍රශ්නයක් බවට පත්ව තිබෙන බවද එම නිවේදනයේ සඳහන් වේ. 

කිසිදු උපකුලපතිවරයකු නවක වදයට සමාවදීම සහායදීම හෝ අපරාධකරුවන් ආරක්ෂා කිරීමට කටයුතු නොකරන අතර  එය තරයේ හෙළාදකින බව ද උපකුලපතිවරුන්ගේ සහ අධ්‍යක්ෂවරුන්ගේ කමිටුව නිකුත් කළ නිවේදනයේ සඳහන් වේ.