බුදුන් වහන්සේගේ ශීර්ෂධාතුන් වහන්සේ චීනයේ නැංජියාං පළාතේ සිට විශේෂ ගුවන් යානයකින් හොංකොං නුවරට අති උත්සවාකාරයෙන් වැඩම කරවාගෙන එනු ලැබූහ. දෙවසරකට පෙර කැනීමකදී සොයාගත් මෙම ධාතුන් වහන්සේ බුදුන්වහන්සේගේ හිස් කබලේ කොටසක් බව චීන බලධරයෝ කියති. සෙන්ටිමීටර් දහයක් තරම් වන මෙම ධාතුන්වහන්සේ කහ හා සුදු පැහැය ගනී. ධාතු ප‍්‍රදර්ශන පවත්නා ඉදිරි හය දිනයේදී තුන් ලක්ෂයක් දෙනා එය වන්දනා මාන කරතියි කියති.