සම්මානනීය ප‍්‍රවීණ ග‍්‍රන්ථ පරිවර්තකයෙකු වූ සිරිල් සී පෙරේරා මහතා අභාවප‍්‍රාප්ත විය.

මියයන විට 93 වැනි වියෙහි පසුවූ ඒ මහතා තිදරු පියෙකි.

‘යුද්ධය හා සාම‘, ‘කර්මසෝ සහෝදරයෝ‘, ‘මහල්ලා සහ මුහුද‘, ‘එමා බෝවාරි‘, ‘වෘක්කයන් අතර නග්නව‘ ඇතුළු කෘති ගණනාවක් පරිවර්තනය කළ ඔහු ධර්මසිරි බණ්ඩාරනායක විසින් නිර්මාණය කළ ‘මකරාක්‍ෂයා‘, ‘ධවල භීෂණ‘ ආදී පරිවර්තන වේදිකා නාට්‍යවල පරිවර්තකයා ලෙස කටයුතු කළේය.

ගෘහ නිර්මාණ ශිල්පියෙකු ලෙස ද කටයුතු කළ සිරිල් සී පෙරේරා මහතා සේවයෙන් විශ‍්‍රාම යන විට සෞඛ්‍ය අමාත්‍යාංශයේ ඉංජිනේරුවරයෙක් ලෙස කටයුතු කළේය.

ඔහුගේ දේහය දෙහිවල, කළුබෝවිල, රත්නාවලී පාර, අංක 57/10 ලිපිනයේ පිහිටි නිවසේ තැන්පත් කර ඇති අතර අවසන් කටයුතු කොහුවල පොදු සුසාන භූමියේදී බදාදා (7) පස්වරුවේ සිදුකෙරේ.