(ඩයනා උදයංගනී)

සිරිල් ගාමිණී ප්‍රනාන්දු පියතුමා තෙවැනි දිනටත් අද උදෑසන අපරාධ පරීක්ෂණ දෙපාර්තමේන්තුව හමුවට පැමිණියේය.

ප්‍රකාශයක් සටහන් කර ගැනීම සඳහා තෙවැනි දිනටත් සිරිල් ගාමිණී පියතුමන් අපරාධ පරීක්ෂණ දෙපාර්තමේන්තුවට කැඳවා ඇති අතර ඊට විරෝධය පා කිතුණු පූජකවරුන් අපරාධ පරීක්ෂණ දෙපාර්තමේන්තුව අවට නිහඬ විරෝධතාවක ද නිරත වූහ.

සිරිල් ගාමිණි පියතුමන් පාස්කු ප්‍රහාරය පිළිබඳව කළ  ප්‍රකාශයකට අදාළව ජාතික බුද්ධි සේවයේ අධ්‍යක්ෂ, මේජර් ජෙනරාල් සුරේෂ් සලේ මහතා සිදුකළ පැමිණිල්ලකට අනුව මෙම ප්‍රකාශය ලබාගැනීම සිදුකරන බව අපරාධ පරීක්ෂණ දෙපාර්තමේන්තුව පවසයි.

විරෝධතාවයේ නිරත පියතුමන්ලා විරෝධතා පුවරු මෙන්ම පාස්කු ඉරුදින ප්‍රහාරයෙන් මියගිය අයගේ ඡායාරූප ද ප්‍රදර්ශනය කරමින් එම විරෝධතාවයේ යෙදුණහ.

(ඡායාරූප: ගයාන් අමරසේකර)