(අංජුල මහික වීරරත්න)

මෙගා වොට් 100ක සූර්ය බලශක්ති ව්‍යාපෘතියක් සඳහා රජයේ ඉඩම් බදු පදනම මත ලබා දීමට කැබිනට් අනුමැතිය ලැබී ඇත.

මෙගාවොට් 100ක සූර්ය බලශක්ති ව්‍යාපෘතියක් සදහා මොණරාගල  දිස්ත්‍රික්කයේ සියඹලාණ්ඩුව ප්‍රාදේශීය ලේකම් කොට්ඨාසයේ පිහිටි හෙක්ටයාර 219. 72 ක පමණ ඉඩම් ප්‍රමාණයක් ශ්‍රී ලංකා සුනිත්‍ය බලශක්ති අධිකාරිය වෙත පවරා ගැනීම සඳහා වන යෝජනාව අගෝස්තු 7 වැනිදා පැවති අමාත්‍ය මණ්ඩල රැස්වීමේදී සාකච්ඡාවට ගන්නා ලද අතර සංචාරක හා ඉඩම් අමාත්‍යංශයේ සමඟ සාකච්ඡා කර මේ සම්බන්ධව තොරතුරු අමාත්‍ය මණ්ඩලය ඉදිරිපත් කළ යුතු බව තීරණය කරනු ලැබ ඇත.

ඒ අනුව සංචාරක හා ඉඩම් අමාත්‍යංශයේ නිර්දේශ මත අදාළ ඉඩම් ප්‍රමාණය  තෝරාගනු ලබන පුනර්ජනනීය බලශක්ති සංවර්ධකයා වෙත උප බදු දීමට හැකිවන පරිදි අදාළ විධිවිධාන ද සහිතව ශ්‍රී ලංකා සුනිත්‍ය බලශක්ති අධිකාරිය වෙත වසර 25ක් කාලයක් සඳහා දිගුකාලීන බදු පදනම මත ලබා දීම සඳහා විදුලිබල හා බලශක්ති අමාත්‍යවරයා ඉදිරිපත් කළ යෝජනාව කැබිනට් මණ්ඩලය විසින් අනුමත කර තිබේ.