(බිමල් ශ්‍යාමන් ජයසිංහ)

13 දහතුන් හැවිරිදි පිරිමි දරුවන් දෙදෙනෙක් සරුංගල් යවමින් සිටියදී අධිබලැති විදුලු රැහැනකින් විදුලිසරවැදි බරපතළ පිළිස්සුම් තුවාල ලබා රෝහල් ගත කර ඇතැයි බණ්ඩාරගම පොලිසිය කියයි.

මෙලෙස බරපතල තුවාල ලබා ඇත්තේ බණ්ඩාරගම බමුණු මුල්ල අලවත්ත හේන සහ ,බණ්ඩාරගම අටලුගම කුරුඳුවත්ත පදිංචි දරුවන් දෙදෙනෙකි.

බරපතල පිළිස්සුම් තුවාල ලැබූ බණ්ඩාරගම අටලුගම කුරුඳුවත්ත දරුවා පදිංචි තෙමහල් නිවසේ ඉහළ කොටසේ සිට එම දරුවා සහ අනෙක් දරුවා මෙන්ම තවත් දරුවෙකු විනෝදයට යවමින් සිටි සරුංගලය ඒ ආසන්නයේ පිහිටි අධිබලැති විදුලි රැහැනක පැටලී යාමෙන් අනතුරුව ඇල්මිනියම් බටයක් ආධාරයෙන් එය ගැනීමට උත්සාහ කිරීමේදී එකවරම ඇසුණු විශාල පිපිරීමක් සමගම විදුලි සැර ඇතැයි පොලිසිය සඳහන් කරයි.