(බිමල් ශ්‍යාමන් ජයසිංහ)

බෝගම්බර බන්ධනාගාරයේ රඳවා සිටින දරුණු ගණයේ සිරකරුවකු සමග දුරකතන සංවාදයේ යෙදුණු බව කියන සමගි ජන බලවේගයේ පාර්ලිමේන්තු මන්ත්‍රී මුජීබර් රවුමහාන් මහතා අපරාධ පරීක්ෂණ දෙපාර්තමේන්තුව වෙත කැඳවා පැය හතරකට ආසන්න කාලයක් ප්‍රකාශ ලබා ගත් බව පොලිස් මාධ්‍ය ප්‍රකාශක සහකාර පොලිස් අධිකාරී නීතිවේදී උදය කුමාර වුට්ලර් මහතා පැවසීය.

එම මන්ත්‍රීවරයා එම සිරකරු සමග දුරකථන සංවාද 53 ක් හා සම්බන්ධ වෙමින් කතාබස් කර ඇති බව සිදුකළ මූලික විමර්ශනවලදී අනාවරණය වී ඇත.

මන්ත්‍රීවරයා අපරාධ පරීක්ෂණ දෙපාර්තමේන්තුව වෙත කැඳවා ඒ සම්බන්ධයෙන් කරුණු විමසා ප්‍රකාශ ලබාගෙන ඇත.

එම සැකකරු බරපතල ගණයේ අපරාධ සහ මිනිමරුම් චෝදනාා මත රඳවා සිටින්නෙකි.