(සුජිත් හේවාජුලිගේ )
මෙරට විශ්වවිද්යාල රාජ්ය විශ්වවිද්යාල පමණක්වීමට කිසිසේත්ම හේතුවක් නැති බවත් ලෝකයේ හොඳම විශ්වවිද්යාල සියල්ලම පාහේ රාජ්ය විශ්ව විද්යාල නොවන බවත් ජනාධිපති ගෝඨාභය රාජපක්ෂ මහතා පැවැසීය.
එම විශ්වවිද්යාල බොහොමයක් ස්වාධීන ස්වයං පාලන ආයතන පුණ්යායතන හෝ අධ්යාපනය කෙරෙහි අවධානය යොමු කරන ලාභ නොලබන සංවිධාන ලෙස ව්යුහගත කර ඇති බවත් එවැනි ආයතන ශ්රී ලංකාවේ ස්ථාපිත නො කිරීමට කිසිසේත්ම හේතුවක් නැති බවත් ජනාධිපතිවරයා කීවේය.
සාම්ප්රදායික ආකල්ප එවැනි ආයතන පිහිටුවීමට බාධා කරන්නේ නම් එවැනි ආකල්පයන්ට දැඩි ලෙස අභියෝග කළ යුතු බව පැවසූ ගෝඨාභය රාජපක්ෂ මහතා රාජ්ය විශ්ව විද්යාලවලින් පරිබාහිරව උසස් අධ්යාපනය ලබා දෙන ආයතන උපාධි විකුණන අධ්යාපන කඩ බවට පවතින පැරණි විරෝධතාවල කිසිදු අර්ථයක් නොමැති බවද සඳහන් කළේය.
ජනාධිපතිවරයා මෙසේ පැවසුවේ ජෙනරාල් ශ්රීමත් ජෝන් කොතලාවල විශ්ව විද්යාලයේදී අද පස්වරුවේ පැවැති එහි උපාධි ප්රදානෝත්සවයේදීය.
මේ රටේ තරුණ තරුණියන්ට පවතින අවස්ථා සීමා කරන මෙවැනි යල්පැනගිය පදනමක් නොමැති කතාවලින් ඔබ්බට සිතිය යුතු බවද ඔහු පැවසුවේය.
රාජ්ය අංශයෙන් පරිබාහිරව විශ්වවිද්යාල පිහිටුවීමට විරෝධය පළ කිරීම ඛේදවාචකයක් පමණක් නොව අපරාධයක් බවද ජනාධිපතිවරයා පැවසීය
ජනතාව එවැනි පටු ආකල්පවලින් කටයුතු කළහොත් ශිෂ්ය පරම්පරා තවත් ගණනාවකට දුක් විඳීමට සිදුවනු ඇති බවත් එය සිදුවීම සඳහා ඉඩ දීමට තමා සුදානම් නැති බවත් ගෝඨාභය රාජපක්ෂ මහතා කීවේය.
COMMENTS
Reply To:
Sisira - cb chds hcdsh cdshcsdchdhd
රාජ්ය අංශයෙන් පරිබාහිරව විශ්ව විද්යාල පිහිටුවීමට විරෝධය පළ කිරීම ඛේදවාචකයක් පමණක් නොව අපරාධයක් බවද ජනාධිපතිවරයා පැවසීය. ජනතාව එවැනි පටු ආකල්පවලින් කටයුතු කළහොත් ශිෂ්ය පරම්පරා තවත් ගණනාවකට දුක් විඳීමට සිදුවනු ඇති බවත් එය සිදුවීම සඳහා ඉඩ දීමට තමා සුදානම් නැති බවත් පැවසීය... ‘‘සියලු විශ්ව විද්යාල රජයේ විය යුතු නෑ‘‘ඔබගේ ප්රකාශය 100%ක් නිවැරැදිය.
අපේ රටේ බොහෝ වැදගත් දේ විනාශ කලේ ජේ.ආර්ගේ ආණ්ඩුව කාලේදී. ඉතා වැදගත්ව තිබූ රාජ්ය පරිපාලන සේවය නැත්තටම නැතිකළා. සෑම රාජ්ය ආයතනයක්ම වාගේ විනාශ කළා. එහෙම කලේ ජොබ් කාඩ් හරහා නුසුදුස්සන් වැදගත් තනතුරු වලට පත්කරලා. මගෙන් ඇහුවොත් මම කියන්නම් ඕන තරම්. කිසිම විභාගයක් සමත් නොවූ අයට රජයේ හොඳ හොඳ තනතුරු දුන්නා. පිරිහීම ආරම්භ කලේ ජේ.ආර්. ගෙන්... ගෝ්ඨාභය රාජපක්ෂ මැතිතුමා හදන්නේ ඉතුරු ටික විනාශ කරන්න දැයි මට පොඩි සැකයක් තියෙනවා. ගාල්ල දිස්ත්රික්කයෙන් කොළඹ වෛද්ය පීඨයට යන්නේ උපරිම සිසුන් 10 ක් හෝ දොළහක් පමණයි. මොරටුව විශ්ව විද්යාලයට යන්නෙත් ඒ වගේ ඉතා සුළු පිරිසක්. ඊළඟට පේරාදෙණිය වගේ තැන්වලට. ඒ නිසා රාජ්ය විශ්ව විද්යාල සහ පුද්ගලික විශ්ව විද්යාල සම කරන එක හොඳ නැහැ. මම මුලින් කී තැන්වල ඉන්නේ ඒ ඒ වසරවල්වල රටේ බිහිවන උපරිම බුද්ධිමත් දරුවන් ටික. මේ වගේ කෙටි සටහනකින් මේක පැහැදිලි කරල දෙන්න බැහැ. නමුත් එස් 3 ක් ගත්තු අයට පුලුවන් සල්ලි තියෙනවා නම් පුද්ගලික විශ්ව විද්යාල වලට ඇතුල් වෙන්න. ඒ නිසා සාමාන්ය පවුල් වල දක්ෂ, බුද්ධිමත් දරුවන්ගේ ගානට හැම කෙනෙක්ම සම කරන්න එපා. ජනාධිපති වුණත් අධ්යාපනය ගැන දකින ඇතැම් අදහස් නිවැරදි නැහැ.
ගොඩක් රටවල් තම රටේ විශ්වවිද්යාල හරහා ලොකු විදේශ විනිමයක් රටට ලබා දෙනවා. ඒකට අපේ රටෙන් සැහෙන මුදල් ප්රමාණයක් පිටරටට යවනවා. මුරුසිය වගේ පුංචි රටවලත් විදේශිකයන්ට MBBS දෙනවා ,අපේ රටේ ? ලංකාවේ බහුතරයක් කරන්නේ බාහිර කලා උපාධි. ඒවායින් රටට ලැබෙන ප්රයෝජනය මොකක්ද කියල මට නම් හිතෙන්නේ නැහැ. මොකද දැනටමත් රජයේ විශ්වවිද්යාල වලට අනවශ්යය අති බහුතරප්රමානයක්, කලා උපාධි වලට ඇතුලත් කරගන්නවා ලංකාවේ පුද්ගලික MBBS දෙන විශ්වවිද්යාල ඇතිකළ යුතුමයි.!!
කාලෙකට පස්සෙ ස' වැදගත් අදහසක් ඉදිරිපත් කරලා. ලංකාවේ රාජ්ය නොවන අංශය මගින් පවත්වාගෙන යන විශ්ව විද්යාල තිබිය යුතුයි. ඒවා අධ්යාපන කඩ නොව හොඳ උසස් අධ්යාපන ආයතන විය යුතුයි. ඒවා විශ්ව විද්යාල ප්රතිපාදන කොමිසම යටතේ නියාමනය විය යුතුයි.
Obathumage adahasa seeyata seeyakma hari a adahasa kriyawata negeemata obathumata sakthiya dahiriya lebewa
එතකොට රාජ්ය විශ්ව විද්යාල උසස් තත්ත්වයෙන් පවත්වාගෙන යාමේ වගකීම ආණ්ඩුවේ වගකීමක් නොවේද? ඒවාට යොදවන්නේ මහා ජනතාවගේ මුදල් නොවේද?
ඕවා කියන්න GOMA එකේ කුහක පාදඩයින්ට..
මෑත කාලයේ මම ඔබතුමාගෙන් ඇසුව හොඳම අදහසකි. අපරාදේ සයිටම් වගේ පුද්ගලික වෛද්ය විද්යාල වසාදැම්මේ.. අඩුපාඩු තිබුණානම් ඒවා අණපනත් මගින් නිවැරැදි කරන්න තිබුණා.. අද විදේශ රටවල ඉගෙන ගන්න අපේ රටේ දරුවන් සහ දෙමාපියන් විශාල ප්රශ්නයකට මුහුණ දීලා තියෙනවා. ඩොලර් එකට ගෙවන රුපියල් ප්රමාණය ඉහළ ගිහින් නිසා...
ඔව්... ලෝකෙ හැම රටකම ඕනෑතරම් පෞද්ගලික විශ්ව විද්යාල තියෙනවා. කැමති අයට හැකිකාලෙක ඉගෙන ගන්න පුලුවන්... අපේ රටේ තමයි බොරු සුදු අදහස් එළියට දාලා කුහකකම නිසා පෞද්ගලික විශ්ව විද්යාල අරින්න නොදෙන්නේ... උසස්පෙළ ලකුණු අඩු කෙනා මහපාරට දාන්න තමයි ඒ අයට වුවමනා...!
පනතට අනුව... සර් ජෝන් කොතලාවල මහතා අවසානයේදී මොනවද ලියා තිබෙන්නේ?
මම ඔබගේ දේශපාලනයට එකග නොවුනත් මෙම අදහස හරි බව ප්රකාශ කරමි . නමුත් ඔබලා විපක්ෂයේ ඉද්දි සයිටම් ප්රශ්නයෙදි දැරුවේ වෙන මතයක්
ඇත්ත ඒ බව පිලිගන්නව. නමුත් ලංකාවෙ ඉන්න බහුතරයක් දෙනාටම ආසාවක් තිබුණ ත් ඒවට යන්න බැරි මුදල් ගැටළු නිසා. දැනටමත් දෙන ණය යෝජනා ක්රමය තව දුරටත් වැඩි කරන්න .
ලාභය මූලික කරගත් ආයතන නොඑනතාක් ප්රශ්නයක් නෑ. ඔතෙන්ට පුද්ගලික ලාභය කියන වචනේ එන දවසට ඔක්කොම ඉවරයි..
ආ.. ඒ කියන්නේ අපේ විශ්ව විද්යාල ටිකත් කාටහරි විකුණන්න වගේ. මේ රටේ මූලික උපාධිය විතරයි ලැබෙන්නේ. එතැනින් එහාට ඕනෑම මට්ටමක උපාධියක් ගන්න නම් අතින් වියදම් කරගන්න තමයි වෙන්නේ.. දැන් මූලික උපාධියත් විකුණන්න වගේ.. මුන්ට ඡන්දෙ දුන්න එවුන් කොහේද? දැන් සැපද?
කෝ බන් මේ GMO ඇතුළු අධ්යාපනය විකුණනවා කියලා හැමදාම කෑගහන කට්ටිය... මීක් නෑ...
ඒක ඇත්ත... ඉදිරියට යන්න.
අපේ ගමේ සිල්ලර කඩේ බඩු කිරන නන්ද කුමාරසේන කොලුවාත් ඔය වගේමයි කියන්නේ. ඌ නම් වැස්සකටවත් විශ්ව විද්යාලයකට ගිහින් නෑ. තව ටිකක් වයස ගියාම නමේ තියෙන කුමාර කියන කොටස නිශේධ වේවි, එවිට කඩේ කොලුවා නාකි වුණාම රජකමටත් සුදුසුයි.