අතිරේක රස පරීක්ෂක  සකුන්තලා තෙන්නකෝන් මහත්මිය  ආණ්ඩුවේ රස පරීක්ෂක ලෙස  පත් කැර ඇත.

මෙම ධුරයට පත් වු  දෙවැනි කාන්තාව  තෙන්නකෝන් මහත්මියයි.

 ඇය දහ නව වැනි රස පරික්ෂකවරියයි.පත්වීම මාර්තු  තුන්වැනිදා සිට බල පැවැත්වෙන ලෙස  ඇමැති මණ්ඩලය ඇගේ පත්වීම අනුමත කැර ඇත.

සහකාර රස පරීක්ෂකවරියක්  ලෙස 1983 ඔක්තෝබර් 17 දා රස පරීක්ෂක දෙපාර්තමේන්තුවට බැඳුණ ඇය ජ්‍යෙෂ්ඨ  සහකාර රස පරීක්ෂක නියෝජ්‍ය  රජයේ රස පරීක්ෂක  ලෙස සේවය කැර ඇත.

 වසර තිහකට අධික කාලයක් ආණ්ඩුවේ රස පරීක්ෂක දෙපාර්තමේන්තුවේ සේවය කැර ඇත.

දෙපාර්තමේන්තුවේ සේවයේ යෙදී සිටියදී  එක්සත් රාජධානියේ ග්ලාස් ගෝ නුවර ස්ට්‍රැත්ක්ලයිඩ්  විශ්ව විද්‍යාලයයේත් ඖෂධ විශ්ලේෂණය පිළිබඳව  පශ්චාත් උපාධිය ලබාගත්තාය.

ඒ සඳහා වැඩිම ලකුණූ හිමිකැරගත් ශිෂ්‍යාව ලෙසින්  සෙනෙකා ඖෂධ  නිෂ්පාදන සමාගමේ සම්මානය හිමි කැර ගත්තේය.

දෙපාර්තමේන්තුව තුල මෙවන් සම්මානයක් හිමි කැරගත්  එකම තැනැත්තිය වන්නේ ඇයයි.
ශ්‍රී ලංකා රසායන විද්‍යාඥයින්ගේ  සංගමයේ  අධිසාමාජිකත්වය දරණ ඇය එහි වරලත් රසායනඥලෙස ද ක්‍රියා කරයි.අධිකරණ  ධුලක විද්‍යාඥයින්ගේ අන්තර් ජාතික සංගමයේ  සාමාජිකත්වය ඇත.

ශ්‍රී ලංකාවේ කලාපීය නියෝජිත ලෙසද සේවය කරන්නීය.

ජාත්‍යන්තර  නීරීක්ෂණයට ලක් වු ප්‍රකාශනවලට සංකීර්ණ ලිපි සපයා ඇත.ශ්‍රී ලංකාවේ වෛද්‍ය නීතී ඇය හා සංගමයේ සහකාරක රස පරීක්ෂකවරුන් දෙදෙනකු විසින්  2012 -2013 දී  ඉදිරිපත් කැරුණු පර්යේෂණය හොඳම පර්යේෂණය ලෙස පිදුම් ලැබීය.

දෙපාර්තමේන්තුවේ අධිකරණ  විද්‍යා අංශ සම්බන්ධ විද්‍යාගාර කිහිපයකටම බහුලව සේවය කැර තිබේ.

පේරාදෙණිය විශ්ව විද්‍යාලයයේ  රසායන විද්‍යා විශේෂ ගෞරව  විශේෂ උපාධීධාරිනියක් වන තෙන්නකෝන් මහත්මිය  කුරුණෑගල කොස්දෙණිය  මහා විද්‍යාලය,කටුපොත තිස්ස මධ්‍ය මහා විද්‍යාලය,කුරුණෑගල නාරම්මල මයුරපාද විද්‍යාලයයේ ආදී ශිෂ්‍යාවකි.

ආණ්ඩුවේ රස පරීක්ෂක දෙපාර්තමේන්තුව පිහිටා ඇත්තේ ඉසුරුපාය ,පැලවත්ත බත්තරමුල්ල යන ස්ථානයේය.