ලිංගික අපයෝජනයට ලක් කර මරා දැමුණු බව කියන කොටදෙණියාවේ සේයා සඳෙව්මි කුඩා දැරියගේ මරණයට වගකිව යුතු අයට දිය හැකි උපරිම දඬුවම් ලබාදීමට පෞද්ගලිකවම උපරිමයෙන් සටන් කරන බව කාන්තා හා ළමා කටයුතු අමාත්‍ය චන්ද්‍රානි බණ්ඩාර මහත්මිය පැවසුවාය.

අද (15) සිය ධූරයේ වැඩ බාරගනිමින් මේ බව පැවසූ ඇය රට තුළ දැනට පවතින කාන්තා හා ළමා හිංසන රැල්ල මැඩලීමට තමන් ඇතුළු අමාත්‍යංශය කටයුතු කරන බවද කීවාය.

මේ සඳහා ජනමාධ්‍යයෙන් සහාය බලාපොරොත්තුවන බවද පැවසූ ඇමැතිවරිය මවක්, සොහොයුරියක් හා මිතුරියක් ලෙස කාන්තා පරපුරට මෙන්ම දරුවන්ටද ඔවුන්ගේ ලෝකය කල එළි කිරීමට හදවතින්ම බලාපොරොත්තුවන බව පැවසුවාය.

මේ අතර මියගිය සේයා දැරිය වෙනුවෙන් ඇගේ අවසන් කටයුතු සිදුකරන අද සවස බඩල්ගම නගරයේ සියලු කඩ සාප්පු පැය 2ක් වසා තැබෙන බව බඩල්ගම එක්සත් වෙළඳ සංගමය කියයි.

chandrani_2015915S_7677 chandrani_2015915S_76772 chandrani_2015915S_76773