වසර 18ක් තිස්සේ නිදහස් ජාතික ප්‍රවාහන සේවක සංගමයේ ප්‍රධාන ලේකම් ඉවත්කරන ලෙස විරෝධය පළ කරමින් අද (10) සවස 5 සිට ලංගම ඩිපෝ 71ක බස් ධාවනය නතර කළ බව එම සංගමයේ වයඹ ලේකම් හා විරෝධතාවයේ කැඳැවුම්කරු බන්දුල රත්නායක මහතා පැවැසීය. බස් සමාගම 11 ක ඩිපෝ පහළොවක් මේ ක්‍රියා මාර්ගයට එක් වී සිටියි. වසර අටකින් නිලවරණය නොපැවැත්වී යැයි ද රුපියල් විසි කෝටියක පමණ සාමාජික මුදල් ගැන ප්‍රශ්න ඇතැයි ද රත්නායක මහතා කීවේය.