(ශ්‍රීනාත් ප්‍රසන්න ජයසූරිය)

සබරගමුව විශ්ව විද්‍යාලයේ කළමනාකරණ පීඨයේ සහ ව්‍යවහාරික පීඨයේ සිසු කණ්ඩායම් දෙකක් අතර පැවති වොලිබෝල් තරඟාවලිය අවසානයේ ඇති වූ ගැටුමකින් සිසු සිසුවියන් හත් දෙනකු තුවාල ලබා රෝහල් ගතකර ඇතැයි පොලිසිය පවසයි.

මෙම වොලිබෝල් තරඟාවලියෙන් ව්‍යවහාරික පීඨයේ සිසුන් පරාජය ලබා කළමනාකරණ පීඨයේ සිසුන් ජයග්‍රහණය ලබා ඇත.

එම පරාජය දරාගත නොහැකි වූ බව කියන ව්‍යවහාරික පීඨයෙ පළවෙනි වසරේ සිසුන් කළමනාකරණ පීඨයේ පළවෙනි වසරේ සිසුන් සමඟ ඇතිකරගත් ආරවුලක් දුරදිග ගොස් එය පහරදීමත් දක්වා දුර දිග ගොස් ඇති බව පොලිසියට දැනගැනීමට ලැබී ඇත.

මෙම ගැටුමෙන් කළමනාකරණ පීඨයේ පළවෙනි වසරේ සිසුන් තිදෙනෙක් ද විවහාරික පීඨයේ සිසුවියන් සිව්දෙනෙකු තුවාල ලබා රෝහල් ගතකර ඇතැයි පොලිස් ආරංචි මාර්ග සඳහන් කරයි විශ්ව විද්‍යාල පරිපාලනය විසින් මෙම වොලිබෝල් තරඟය සංවිධානය කර තිබුණු බවද කියති .