කොරෝනා මාර්ස් වෛරසය වැළදීමෙන් දැනට සෞදි අරාබියේ මියගොස් ඇති ගණන 173 දක්වා ඉහළ ගොස් ඇතයි සෞදි අරාබි සෞඛ්‍ය බලධරයෝ සෞදි පුවත් පත් මගින් ප්‍රකාශ කරසිටී.

අමාත්‍යංශ වෙබ් අඩවිය සඳහන් කරනුයේ ජෙඩා සහ උතුරු තබුක් ප්‍රදේශ වල දෙදෙනෙකු සහ රියාද් මක්කම සහ සෞදි බටහිර කලාපයේ තායිෆ් හි තිදෙනෙකුද කොරෝනා වයිරසය ආසාදිත වීමෙන් මරණයට පත්වී ඇති බවයි.

මේ වනවිට 537 දෙනෙකුට කොරෝනා වයිරසය වැළදී ඇති අතර සෞදි අරාබියට අමතරව ඊජිප්තුව ,ලෙබනන්,නෙදර්ලන්තය එක්සත් අරාබි එමීර් රාජ්‍ය ,සහ ඇමරිකා එක්සත් ජනපදය වැනි රටවලද වෛරසහ වලදී ඇති රෝගීන් සොයා ගෙන ඇතිබව පවසයි.

මෙහි රෝග ලක්ෂණ ලෙස වෛරසය පෙනහළු වලට ඇතුළු වීමෙන් කැස්ස,උන ගැනීම තෙහෙට්ටුව,විඩාව,හුස්ම ගැනීමේ අපහසු තාවය පෙන්නුම් කරන අතර මුල් අවදියේම පරීක්ෂා කරගැනීම සුභ දායක බව කියයි,

කෙසේ වුවද ලෝක සෞඛ්‍ය සංවිදානය පසුගිය සතියේ විශේෂ සැසි වාරයෙන් පසු ප්‍රකාශ කර සිටියේ තවමත් කොරෝනා වෛරසය ලෝකය පුරා පැතිරීමේ අවදානමක් නොමැති බැවින් හදිසි ක්‍රියාමාර්ගයක් ගැනීම අනවශ්‍ය බවයි.