මිනිස් පරිභෝජනයට නුසුදුසු සහල් තොගයක් පොලිෂ් කර අලුතින් ඇසුරුම් කරමින් සිටි බව කියන පොළොන්නරුව ගල්ලෑල්ලේ කුසුම්ගම සලාකා හාල් මෝලේ සාහුල් හමීඩ් මොහොමඩ් රිස්බාන් රුපියල් ලක්ෂයක ශරීර ඇප මත මුදා හරින ලෙස පොළොන්නරුව මහේස්ත්‍රාත් රුවන් තාරක හීනටිගල මහතා අද (29) නියෝග කළේය.

2014 දී ඉන්දියාවෙන් ගෙන්වූ නාඩු සහල් කිලෝ 365000 ක් කල් ඉකුත් වූ බව වැටලීම කළ සෞඛ්‍ය වෛද්‍ය නිලධරයෝ අධිකරණයට දැන්වූහ.

මොහොමඩු රිස්බාන් වෙනුවෙන් පෙනී සිටි නීතීඥවරු කියා සිටියේ සතොසේ ඇණවුමක් අනූව තම සේවා දායකයා මෙම සහල් පොලිෂ් කර නැවත අසුරමින් සිටි බවයි.

සහල් පිළිබඳ රස පරීක්ෂක වාර්ථාවක් හා සතොස ප්‍රකාශය ලබන 8 වැනිදාට ඉදිරිපත් කරන ලෙස මහේස්ත්‍රාත් නියෝග කළේය.