(යොහාන් භාසුර)

ආණ්ඩුව දිගින් දිගටම දේශපාලන උවමනාවන් සඳහා ‘කොවිඩ්’ නීතිය යොදා ගැනීමෙන් සෞඛ්‍ය නීතීය පිළිබඳව මහජන විශ්වාසය බිඳවැටී ඇති බවත් එය ‘කොවිඩ්’ වසංගතය පාලනයට සෞඛ්‍ය සේවාට පැවරී ඇති කාර්ය කිරීමට බාධාවක් බවත් සෞඛ්‍ය වෘත්තීයවේදීන්ගේ විද්වත් සංගමයේ සභාපති රවී කුමුදේශ් මහතා පැවසීය.

අරගල එනවිට, ආණ්ඩුවට එරෙහි විරෝධතා එනවිට, ඒවා ඉලක්ක කරගෙන වසංගතයට අදාල ගැසට් නිවේදන සහ නීති පැනවීම මගින් සෞඛ්‍ය සේවා අධ්‍යක්ෂක ජනරාල්වරයා දේශපාලන පීඩාවකට ලක්කර ඇති බව කී රවී කුමුදේශ් මහතා ඒ හරහා සමස්ත සෞඛ්‍ය සේවාවම මහජනතාව පිළිනොගන්නා පිරිහීමකට ලක්වන බව ද සඳහන් කළේය.

ජනතාව රටේ සෞඛ්‍ය රෙගුලාසි අනුගමනය කරන්නේ නීතියට ඇති බියකට නොව ඒ නීතීය තමන් වෙනුවෙන් පනවන ලද ඒවා යන විශ්වාසය මත බවත් කුමුදේශ් මහතා වැඩි දුරටත් කීය.