( බිමල් ශ්‍යාමන් ජයසිංහ )

රාජ්‍ය ස්කාගාර සංස්ථාවේ සේවකයකුගේ  දොඩංගොඩ පිහිටි සුවිසල්  නිවසක ගබඩා කර තිබු රුපියල් කෝටි තුනකට ආසන්න වටිනාකමකින් යුත් මත්පැන් ස්ප්‍රීතු බැරල් 15 ක් අද (14)  දොඩංගොඩ පොලීසිය බාරයට ගෙන තිබේ.

එම බැරල්වල ස්ප්‍රීතු ලීටර්  තිස් පන් ලක්ෂ  පන්සීයක්  තිබූ  බව පොලීය සඳහන් කරයි.

මෙම නිවසට දහවල් කාලයේදී නාඳුනන පුද්ගලයින්,වාහන පැමිණෙන බවට පොලීසියට ලැබී තිබුණු තොරතුරක් අනුව ඒ පිළිබඳව අවධානයෙන් සිටී පොලීසියට මෙම ජාවාරම හසු කර ගැනීමට හැකි වී තිබේ.

මෙම ස්පීතු  තොගය රාජ්‍ය ස්කාගාර සංස්ථාවෙන් හොර  රහසේ ගෙන ආ ඒවාදැයි සැක පවතින බව පොලීසිය සඳහන් කරයි.
 සැකකරු අත්අඩංගුවට ගැනීම සඳහා පරීක්ෂණ සිදු කෙරෙන බව පොලීසිය කියයි.