(සුජිත් හේවාජුලිගේ )

ශ්‍රී ලංකන් ගුවන් සමාගම  ප්‍රතිව්‍යුහගතකරණයට  අදාල උපදෙස් ඇතුළත් ලසාඩ් ජාත්‍යන්තර මූල්‍ය සහ වත්කම් කළමනාකරණ සමාගමේ විශේෂ උපදේශාත්මක වාර්තාව ලබන මාසයේදී පමණ ලැබෙනු ඇතැයි වරාය නාවික හා ගුවන් සේවා අමාත්‍ය නිමල් සිරිපාල ද සිල්වා මහතා  ලංකාදීපයට පැවැසීය.

එම වාර්තාවේ උපදෙස් අනුව ශ්‍රී ලංකන් ගුවන් සමාගම ප්‍රතිව්‍යුහගතකරණයට අවශ්‍ය කටයුතු කරන බව පැවසූ අමාත්‍යවරයා ප්‍රතිව්‍යුහගතකරණය කරන හොඳම ක්‍රමවේදය ඔවුන්  එමගින් ඉදිරිපත් කරනු  ඇතැයිද  සඳහන් කළේය.

ජාත්‍යන්තර මූල්‍ය අරමුදලෙන් ණය ලබා ගැනීමට අදාළව  ණය ප්‍රතිව්‍යුහගතකරණය වෙනුවෙන්  ශ්‍රී ලංකාවට  උපදේශාත්මකව සහාය ලබා දෙන්නේද මේ ලසාඩ් සමාගමයි.