(තිළිණි ද සිල්වා)

කටුනායක බණ්ඩාරනායක ජාත්‍යන්තර ගුවන්තොටුපළේ ශ්‍රී ලංකන් කේටරින් මෙහෙයුම් අංශයේ සේවකයින් 08 දෙනෙකුට කොවිඩ්-19 වෛරස ආසාදනය වී ඇති බවට ශ්‍රී ලංකන් ගුවන් සේවය තහවුරු කර සිටී.

ශ්‍රී ලංකන් කේටරින් අංශයේ එක් සාමාජිකයෙකුට කොරෝනා වයිරසය ආසාදනය වී ඇති බවට ඉකුත් සදුදා තහවුරු වීමත් සමග ඔහු ඇසුරු කළ තවත් සාමාජිකයින් හත් දෙනෙකුටද එම වයිරස ආසාදනය වී ඇති බවට අද (17) තහවුරු කර ගත් බවද එම ගුවන් සේවා සමාගම කියා සීටි.

මේ වන විට අදාළ අසාදිතයින් අට දෙනා සමග කටයුතු කළ කාර්ය මණ්ඩලලය පී.සී.ආර් පරීක්ෂණ වලට යොමු කළ බවද  ශ්‍රී ලංකන් ගුවන් සේවය පෙන්වා දේ.

පවතින වසංගත තත්ත්වය තුළ ආහාර ප්‍රමිතය පවත්වා ගෙන යාම , ගුවන් ගමන් වලදී සාමාන්‍ය පරිභෝජනය සදහා සෞඛ්‍යාරක්ෂිත ආහාර ලබා දීමට ශ්‍රී ලංකන් කේටරින් කටයුතු කරන බවද එම ගුවන් සමාගම කියා සිටී.