(ඩයනා උදයංගනී)

ජපානයේ සාත්තු සේවක අංශයේ රැකියා දහසකට වැඩි සංඛ්‍යාවක් ලබන වසරේදී ශ්‍රී ලාංකික ශ්‍රමිකයින්ට හිමිවීමට නියමිත බව කම්කරු සහ විදේශ රැකියා අමාත්‍ය මනුෂ නානායක්කාර මහතා පැවසීය.

ජපානයේ සංචාරයක නිරතව සිටින කම්කරු සහ විදේශ රැකියා අමාත්‍ය මනුෂ නානායක්කාර මහතා එරට ග්ලෝබල් ට්‍රස්ට් නෙට්වර්ක් ආයතනය සමඟ පැවැත්වූ සාකච්ඡාවකදී මෙම රැකියා ප්‍රමාණය ලබාදීමට එම ආයතනය එකඟ වී ඇත.

මෙම වසර තුළ දීද කඩිනමින් සාත්තු සේවකයින් 150 දෙනෙක් බදවා ගැනීමටද එම ආයතනය එකඟ වූ බව ඇමතිවරයා සඳහන් කළේය.

ශ්‍රී ලාංකික තරුණ තරුණියන්ට ජපානයේ වැඩි රැකියා ප්‍රමාණයක් ලබාගැනීම අමාත්‍යවරයාගේ සංචාරයේ එක් අරමුණක් වන අතර, එම ආයතනයේ සභාපති හිරුයුකි ගොටෝ, පුහුණු ශ්‍රමික අංශයේ කළමණාකරු යුකා කුවාරා ඇතුළු ඉහළ නිලධාරීන් සමග තමන් සාකච්ඡා පැවැත්වූ බව කී අමාත්‍යවරයාලබන වසරේදී සාත්තු සේවකයින් දහසක් බදවා ගැනීමට ඔවුන් එකඟ වූ බව කීවේය.