විස පාන්පිටි ගනේවල්පොළින් අල්ලයි

(කුෂාන් ජයවර්ධන)

කෘමි නාශක කළවම් කළ කල් ඉකුත් විමට ආසන්න කෝටි 15ක් පමණ වටිනා විස පාන්පිටි ගෝනි 10.000ක ආසන් ප්‍රමාණයක් ගනේවල්පොළ ප්‍රදේශයේ විශාල ගබඩාවක සඟවා තිබියදී සොයාගත් බව කැකිරාව සෞඛ්‍ය වෛද්‍ය නිලධාරී කාර්යාලය කියයි.

මෙම පාන්පිට මිනිස් පරිභෝජනයට නුදුසුදු බවත් ඒවා වෙළෙඳපොළට නිකුත් කිරීමට සූදානමින් තිබු බවට තොරතුරු ලැබුණු බවද එම කාර්යාලය කියයි.

ඉතා විශාල ගබඩවක එම පාන්පිටි තොගය ගබඩා කර තිබූ අතර එහි කිලෝ 25 සහ 50 තරමේ පාන් පිටි ගෝනි 10,000කට අධික ප්‍රමාණයක් තිබූ බව ද වැටලීම සිදු කළ නිලධාරීහු පැවැසූහ.

කැකිරාව සෞඛ්‍ය වෛද්‍ය නිලධාරී කාර්යාලයට ලද තොරතුරක් මත එහි නිලධාරීන් සිදු කළ ක්ෂණික වැටලීමකදී මෙම පාන් පිටි තොගය සොයා ගැනීමට හැකිව තිබිණ.

අපනයනය සදහා ගම්මිරිස් වියළා සකසනු ලබන මහපරිමාන මෝලක එම පාන් පිටි තොගය ගබඩා කර තිබි ඇත.

එම පාන් පිටි තොගය කල් ඉකුත් වීමට ආසන්න වන අතර විදේශ රට නිෂ්පාදිත ඒවා බවට ද එම ඇසුරුම්වල සදහන් වෙයි.

ගුල්ලන් සහිත එම පාන් පිටි තොගයට මෙම ස්ථානයේදී වස යොදා ගුල්ලන් මර්ධනය කර යළි සකසා විදේශ රටක නිෂ්පාදිත බවට හා කල් ඉකුත්වීමේ දින වෙනස් කර අළුතින් මුද්‍රණය කර නව ඇසුරුම්වල නැවත අසුරා විදේශයකින් ආනයනය කළ පාන් පිටි සේ යළි බෙදා හැරීම සිදු කෙරෙන බවට සෞඛ්‍ය බලධාරීන් සිදුකළ විමර්ශණවලදී අනාරවරණය කරගෙන තිබේ.

අදහස් (5)

විස පාන්පිටි ගනේවල්පොළින් අල්ලයි

ravin Friday, 29 March 2024 09:37 PM

කළ යුත්තේ ඔය පිටිවලින් ආහාර නිෂ්පාදනය කර තොග අයිතිකරුවන්ටම අනුභව කරවීමට සැලැස්වීමයි. මරණයේ බිය දැණුනාමවත් ජඩවැඩ නතර කරාවි...

: 0 58

Lankabarana Saturday, 30 March 2024 04:35 AM

මේක සකල සෞභාග්‍යය පිරුණු ශ්‍රීලංකාව බව රවීන් දන්නේ නැද්ද? ඒ නිසා එහෙම දඬුවම් කරන්න බැහැ.. ලෝකයේ පමණක් නොවෙයි.., එක් රටක වුණත් මිනිසුන්ට පමණක් නොවෙයි.. සතුන්ට පවා අවුරුදු ආහාර වැවෙන්නේ දේශගුණය අනුව තමයි. ඉතින් ලංකාවේ ඔය තිරිඟු නිෂ්පාදන වෙන්නේ නැහැ... ඒවා පරිභෝජනය ලංකාවේ ජනතාවට විවිධාකාරයෙන් රෝග ඇතිවීමට හේතුවක් වෙනවා. රට තුළදී වුණත් එක් එක් දේශගුණික කලාපවල පළතුරු වුණත් වැවෙන ආකාරය බලන්න. ඉතින් කියන්න තියෙන්නේ ලංකාවේ බොහෝ දෙනෙකුට පවතින රෝග සඳහා ඔය තිරිඟු පිටි ආශ්‍රිත ආහාර හේතුවක් වෙනවා... එහෙම තියෙද්දී ඔය කියන ආකාරයේ පිටිවලින් මොනවා වෙන්න පුළුවන්ද?

: 0 4

Alfread Saturday, 30 March 2024 12:01 AM

ඔය ඉතින් අහවල් ආගමේ කට්ටියගේ වැඩක් තමයි. පාස්කු ගම්මිරිස් නානාගේම නෑයෝ වෙන්න ඇති. ඕවා කරන්න හොඳයි, කියන්න හොඳ නෑ. කිව්වාම අපි ජාතිවාදීන් වෙනවා. ඥාණසාර හාමුදුරුවන්ටත් ඕවා කතාකරලා තමයි දැන් හිරේ ඉන්නේ... වඳ කොත්තු කෝ කිය කියා හිනා වුණු අයට දැන් මොකද කියන්න තියෙන්නේ...?

: 0 2

Bunny Preena Saturday, 30 March 2024 09:09 AM

එම ආයතනය නිෂ්පාදනය කරන හෝ බෙදාහරින ආහාර ද්‍රව්‍ය සහ අනෙකුත් දේවල් වර්ජනය කළ යුතුයි. දැනට පුළුවන් හොඳම දඬුවම ඒකයි.

: 0 10

kahawita Saturday, 30 March 2024 09:36 AM

තව ටික දවසකින් කියයිද දන්නේ නෑ... ඒක වැරිදීමක්... කණගාටුව ප්‍රකාශ කරනවා කියලා...

: 0 12

ඔබේ අදහස් එවන්න

එසැණ පුවත්

අරාබියේ හිරගෙවල්වල සිටි ලාංකිකයන් 44කට රාජකීය සමාව

2024 මැයි මස 03 49 0

අප්‍රේල් මාසයට යෙදුණු රාමදාන් උත්සවය වෙනුවෙන් එක්සත් අරාබි එමීර් රාජ්‍යයේ බන්ධනාගාරවල සිටි ශ්‍රී ලාංකිකයන් හතළිස් හතර දෙනෙකුට රාජකීය සමාව ලබා දී ඇත

‘මුහුදු රළ ගැන අවධානයෙන් ඉන්න‘

2024 මැයි මස 03 29 0

මෙරට ඇතැමි ප්‍රදේශවල මුහුදු රළ උස ප්‍රමාණය ඉහළ යාම පිළිබඳව අවධානය යොමු කරන ලෙස දන්වමින් කාලගුණවිද්‍යා දෙපාර්තමේන්තුව අවවාදාත්මක නිවේදනයක් නිකුත් ක

පුදුකුඩිඉරිප්පුවට ඊශ්‍රායල් රැකියා

2024 මැයි මස 03 151 0

කම්කරු හා විදේශ රැකියා අමාත්‍යාංශය විසින් ක්‍රියාත්මක කරන ජයගමු ශ්‍රී ලංකා වැඩසටහන පුදුකුඩිඉරිප්පුවේ දී කම්කරු හා විදේශ රැකියා අමාත්‍ය මනුෂ නානායක

නිලධාරී හිඟයෙන් පුරාවිද්‍යාව කොට උඩ

2024 මැයි මස 03 63 0

පුරාවිද්‍යා දෙපාර්තමේන්තුවේ නිලධාරීන් 1576 දෙනකුගේ උග්‍ර හිඟයක් පවතින බව වාර්තාවේ.

පදවාගෙන යමින් සිටි ත්‍රිරෝද රියක් හිටි හැටියේ ගිනි ගනී

2024 මැයි මස 03 133 0

තලවකැලේ- නුවරඑළිය මාර්ගයේ ගමන් කරමින් තිබු ත්‍රී රෝද රථයක් නානුඔය, තැපැල් කාර්යාලය ඉදිරිපිටදී අද (03) ගිනි ගැනීමකට ලක්ව සම්පුර්ණයෙන් විනාශයට පත්ව ගොස් ඇ

දමිතාගෙන් මානව හිමිකම් කොමිසමට පැමිණිල්ලක්

2024 මැයි මස 03 179 0

නීතිවිරෝධී ලෙස අත්අඩංගුවට ගැනීමෙන් සිය මානව හිමිකම් කඩවූයේ යැයි ප්‍රවීණ රංගන ශිල්පිනී දමිතා අබේරත්න මහත්මිය ශ්‍රී ලංකා මානව හිමිකම් කොමිසමට අද (3) පැම