(ඩයනා උදයංගනී)
විශ්රාමයෑමේ වයස අවුරුදු 60කට අඩුකිරීමේ තීරණය හේතුවෙන් මෙම වසරේ දෙසැම්බර් 31 වැනිදා විශේෂඥ වෛද්යවරුන් 249 දෙනකු විශ්රාමයාමට නියමිත බවත්, ඒ හේතුවෙන් විශේෂඥ වෛද්යවරුන්ගේ හිඟය තවත් උග්ර වනු ඇති බවත් විශේෂඥ වෛද්යවරුන්ගේ සංගමය පවසයි.
විදේශීය පුහුණුව නිම කර ලබන වසරේදී මෙරටට නැවත පැමිණෙතැයි අපේක්ෂිත විශේෂඥ වෛද්යවරුන් 299 ක ප්රමාණයෙන් මෙම හිඟය සපුරාගැනීමට හැකි බවට ඇතැමුන් අදහස් දැක්වූවත් එය එසේ නොවන බව විශේෂඥ වෛද්යවරුන්ගේ සංගමයේ සභාපති විශේෂඥ වෛද්ය ලක්කුමාර ප්රනාන්දු මහතා පවසයි.
මෙම විශේෂඥ වෛද්යවරුන් සියලු දෙනා ජනවාරි මස මෙරටට නොපැමිණෙන අතර එය වසර පුරාම සිදුවන ක්රියාවලියක් වන අතර, රටේ වත්මන් තත්වය අනුව එම සියලුම වෛද්යවරුන් නැවත මෙරටට පැමිණීම ගැන සුබවාදී බලාපොරොත්තු තැබිය නොහැකි බවත් ඔහු සඳහන් කරයි.
එමෙන්ම එම වෛද්යවරුන්ගෙන් ද යම් ප්රමාණයකට විශේෂඥ වෛද්ය පුහුණුව සම්පූර්ණ කිරීම සඳහා මෙරටදී යම් කාලයක් පුහුණු කළ යුතු බැවින් පැමිණි විගස ඔවුන් වැඩබලන විශේෂඥ වෛද්යවරුන් ලෙස හෝ පත්කළ නොහැකි බවත්,ලක්කුමාර් ප්රනාන්දු මහතාගේ අත්සනින් විශේෂඥ වෛද්යවරුන්ගේ සංගමය නිකුත් කළ නිවේදනයක දැක්වේ.
COMMENTS
Reply To:
Sisira - cb chds hcdsh cdshcsdchdhd
විශ්රාම වයස වැඩි කලොත් ඔබලා දෙන පුද්ගලික සේවයේ වගේ ලෙඩ්ඩු සංක්යාවක් රෝහලේ බලනවද
65වයස වැඩිකිරීම නෙවෙයිනේ විසදුම .හැමතැනම නාකි පප්පල යවන්න ඕනේ ගෙදර ඒක දොස්තරටත් අදාලයි තරුණ දක්ෂ අයට ඒ මක් නෑ නැත්නම්.
ඇයි තමුන්නැහැලා සධාකාලිකව ජීවමානයි කියලා හිතාගෙනද හිටියෙ .ඒ අදහස සම්පූර්ණයෙන්ම වැරදියි .රජයේ සේවයට බැදුනානම් එහි නීති රීති වලට අනුව කටයුතු කරන්න ඕන .වයසට ගියාම දේශපාලුවො වගේ ඉන්න ඕන නැහැ .පණ නම් තණ අග පිනිබිදු වැන්නේ අහල නැද්ද .තමුන්නැහැලා හිතන විදියට හිතනවා නම් ලෝකය කිසිදාක මෙතරම් දියුණුවක් ලබන්නේ නැහැ තවත් එකක් සුව සේවයේ ප්රශ්න රජය බලාගනීවි.තමුන්නැහැලා පමණක් නොවෙයි සියලු රජයේ සේවකයින් හා නිළධාරින් කරන්නෙ කොන්ත්රාත් එකක් මිසක් බූදලයක් රැකීම නොවෙයි .ඒක වයස 60 දී අවසන් වෙනවා වැඩ කරන්න පුළුවන් විශාල පිරිසක් නැහැ කියන්න බැහැ තන්හාය ජායතී සෝකෝ තන්හාය ජායතී භයං තේරුම් ගන්න මැතිතුමා.
අයියෝ දැන් වැඩකරා ඇති . ටිකක් විවේකීව ඉන්න. මීට කලිනුත් විශේෂඥ වෛද්යවරු 60න් විශ්රාම ගියානේ. ඔයතරම් ජනතාව ගැන දුක නම් තරුන වෛද්යවරු ශින්ෂන රෝහල් වලට ආවම ඒ ඇති වෙනවා කියන පුරප්පාඩු වලට කොන්ත්රාත් පදනම මත ඔබතුමාට යන්න පුලුවන්
ඉස්සර 55න් පෙෂන් ගියානම් මේ වෙනකොට කොහොමටත් ඒ අය සේවයේ නෑ නේ ද ? 55 ඉඳල 60 වෙනකන් ඉන්න දෙනකොට මේ ප්රශ්නේ කවද හරි එන බව තේරුනේ නැත්ද? එහෙම නැත්නම් නොතේරුනා වගේ හිටිය ද ?
මේවට හොඳම විසඳුම තමා රජයෙ අධීක්ෂනය යටතේ ප්රමිතිගත පෞද්ගලික වෙද්යය විද්යාල ඇති කරන එක. රටෙ මිනිසුන්ගෙ බදු මුදලින් ඉගෙන ගෙන, විදේශ පුහුනුත් අරගෙන රටට සේවයක් කරන්නෙ නැතිනම් රජයෙ වියදමින් උගන්න්වන එක නවත්තන්න ඔනි ! ! ! ! !
60 රාජ්ය සේවයෙන් විශ්රාම ගන්න... 65 පුද්ගලික සේවයෙන් විශ්රාම ගන්න.. ඔය පැරැණි අතළොස්ස පමණක් නොවේ.. අද තරුණ හොඳ ආකල්ප තියෙන වෛද්යවරු ඕනෑ තරම් ඉන්නවා.
මෙතන ප්රශ්නය යට ගහලා. වෛද්ය පශ්චාත් උපාධිය කරන්න නවක පිරිසට ඉඩ නොදෙන්නේ ඇයි? ඒකට අවස්ථාව දෙන්නේ ඉතාම සීමිත පිරිසකට. නොයෙකුත් හේතු ඉදිරිපත් කරමින් ඔවුන් පස්සට යවනවා... එතැනට පිළියම් යොදන්න..
රජයේ රෝහල් වහලා දාලා . සේවකයින්ට ගෙවන සල්ලි ලෙඩ්ඩුන්ට දෙන්න ප්රයිවට් හොස්පිටල් එකෙන් බෙහෙත් ගන්න .රජයේ රෝහල් තිබුණත් මිනිස්සු ප්රයිවට් යන්න ඕන හොඳ දොස්තර කෙනෙක් ගෙන් බෙහෙත් ගන්න
කොහොමත් රටේ බුද්ධිමත් දේශපාලන ක්රියාකාරීන්ට පිං සිද්ධවෙන්න තව අවුරුදු 10-15 යන විට රටට අවශ්ය දක්ෂ බුද්ධිමත් වෘර්තීය වේදීන් ගේ බලවත් හිගයක් නිර්මාණය වනු ඇති. ඒ සඳහා පිළියම සේවයේ නිරත විශ්රාම යෑමට නියමිත පිරිස සේවයේ රදවගැනීම නොව, නව වෘර්තියවේදීන් රටේ රදවාගැනීමට අවශ්ය පසුබිම සකස්කර ගැනීමයි. නැත්නම් අනිවාර්යෙන් දිනක වෘර්තියවේදීන් හිගය පියවීමට වන්නේ අසල්වාසී ඉන්දියාවෙන් හෝ වෙනත් රටකින් වෘර්තියවේදීන් ආනයනය කිරීමෙනි. ඒ වනවිට ඒ සඳහා අපිට ඩොලර් තියේවිද? සිතන්න...
මෙහෙන් ඉගෙන ගෙන පිටරට පදිංචියට යන එක අඩු කරන්නකෝ...!