(අංජුල මහික වීරරත්න සහ සුජිත් හේවාජුලිගේ)
විශ්වවිද්යාල (සංශෝධන) පනත් කෙටුම්පත, අධ්යාපනය, ශ්රම බලකාය සහ මානව ප්රාග්ධනය පිළිබඳ ආංශික අධීක්ෂණ කාරක සභාවේදී සලකා බලා අනුමත කෙරිණි.
විශ්වවිද්යාල (සංශෝධන) පනත් කෙටුම්පත සහ ශ්රී ලංකා විදුහල්පති සේවයේ බඳවා ගැනීම්වලට අදාළ කරුණු පිළිබඳව අධ්යාපනය, ශ්රම බලකාය සහ මානව ප්රාග්ධනය පිළිබඳ ආංශික අධීක්ෂණ කාරක සභාවවේදී සාකච්ඡා කෙරිණි.
විශ්වවිද්යාල (සංශෝධන) පනත් කෙටුම්පත සලකා බැලීමේදී, මෙම පනත් කෙටුම්පතෙහි අරමුණු වන්නේ පීඨයේ ජ්යෙෂ්ඨ මහාචාර්යවරුන්, මහාචාර්යවරුන්, ආශ්රිත මහාචාර්යවරුන් සහ ජ්යෙෂ්ඨ කථිකාචාර්යවරුන් (I වන ශ්රේණිය) අතුරෙන් පීඨාධිපතිවරයකු තෝරා පත් කර ගැනීම සඳහා පීඨ මණ්ඩලයට හැකියාව ලබා දීම, පීඨාධිපතිවරයකුගේ ධූර කාලය සම්පූර්ණ වීමට පෙරාතුව පිඨාධිපතිවරයකු ධුරයෙන් ඉවත් කිරීම සඳහා පාලක සභාවට හැකියාව ලබා දීම සහ පීඨාධිපතිවරයෙකුගේ ධුර කාලය සම්බන්ධයෙන් සීමා හඳුන්වාදීම බව නිලධාරීහු පැවැසුහ.
මේ පිළිබඳව සාකච්ඡා වූයේ ගරු පාර්ලිමේන්තු මන්ත්රී හේෂා විතානගේ මහතාගේ සභාපතිත්වයෙන් අධ්යාපනය, ශ්රම බලකාය සහ මානව ප්රාග්ධනය පිළිබඳ ආංශික අධීක්ෂණ කාරක සභාව පාර්ලිමේන්තුවේදී රැස්වූ අවස්ථාවේදීය.
COMMENTS
Reply To:
Sisira - cb chds hcdsh cdshcsdchdhd