(දයාරත්න ඇඹෝගම)

තම විශ‍්‍රාම වැටුපෙන් ආරක්ෂක අමාත්‍යාංශය අයකර ගත් රුපියල් 7000 ක මුදල නැවත ලබා දෙන ලෙස ඉල්ලා විශ‍්‍රාමික රණවිරුවෝ හා ඔවුන්ගේ පවුල් වල සාමාජිකයෝ අද (15) අනුරාධපුර මහ නගර සභාව ඉදිරිපිට දී විරෝධතාවක නිරත වූහ. පසුව විරෝධතා පා ගමනින් අනුරාධපුර කදිරේෂන් කොවිලට පැමිණි එහිදි දේව කන්නලව්වක් ද කළහ.

තම විශ‍්‍රෘම වැටුපෙන් රුපියල් 3500.00 සිට රුපියල් 7000.00 මුදලක් රජය මගින් නැවත අයකර ගෙන ඇති බවත් මේ නිසා විශ‍්‍රාමික රණවිරුවන් මෙන්ම මියගිය රණවිරුවන්ගේ බිරින්දැවරු සහ දෙමාපියන් මහත් අසරණ තත්වයට පත්වි සිටින බවත් රණවිරු සංසදයේ ජාතික සංවිධායක ජයලාල් නිශ්ශංක මහතා පැවසීය.

මෙම මුදල නැවත ලබාදෙන ලෙස ජනාධිපතිවරයාගෙන් ඉල්ලා සිටි විරෝධතාකරුවෝ එසේ නොමැති නම් කොළඹට පැමිණ දැවැන්ත උද්ඝෝෂණයක නිරත වන බවද පැවසුහ.