ගම්පහ රතුපස්වල කම්හලකින් ළිං ජලයට  ඇසිඩ් එකතු වෙතියි , පසුගිය අගෝස්තු 01 වැනිදා වැලිවේරියේදී මහජනයා හා  යුද හමුදාව අතර ඇතිවු ගැටුමේදී  වෙඩි තැබීමේ සිද්ධිය ගැන පරීක්ෂණයක් අරඹා ඇති බවත් නීතීය ඉක්මවා ගිය අයට එරෙහිව ක්‍රියා කරන බවත්  විදේශ ඇමැති  මහාචාර්ය ජී එල් පිරීස් මානව හිමිකම් පිළිබඳ එක්සත් ජාතින්ගේ සංවිධානයේ මහ කොමසාරිස්  නවනීදන් පිල්ලේට අද(29) පැවසීය.

වෛරය හා ද්වේෂය පතුරුවන්නට එරෙහිව ක්‍රියා කිරිමට නීතී පනවන බව ඇමැති පැවසුයේ ග්‍රෑන්ඩ්පාස් මුස්ලිම් පල්ලියේ සිද්ධිය ගැන පවසමිනි.

සියලුම ආගම්වල සාමාජිකයින් එක්වී එය විසඳාගත් නමුත් යටි කූට්ටු හා ලාබ අපේක්ෂා ඇත්තවුන් එය  දෙගුණ තෙගුණ කළ බව ද ඇමැති කීවේය.

ශ්‍රී ලංකාවට එරෙහිව බොහෝ අස්ථාන චෝදනා නඟතියි කී ඇමැති  යුද සමයේ උතුරේ ජනයා සා ගින්නෙන් තැබියැයි කියන කතාව එවැන්නකියි කීවේය.

ශ්‍රී ලංකාව සම්බන්ධයෙන් බොහෝ රටවල් පුර්ව නිගමනවල සිටින බව කී ඇමැති එයින් කලකිරීමක් ඇති වන බවත් සඳහන් කළේය.

ත්‍රස්ත්‍රවාදය වැලැක්විමේ පනත 30 වසරක් තිස්සේ ශ්‍රි ලංකාවේ පැවති බවත් සංශෝධිත පනත පාවිච්චි කරනුයේ ආරක්ෂක පියවරක් වශයෙන් බවත්   එයින් අනිසි ප්‍රයෝජනයක් නොගන්නා බවත් ඇමැති  කීවේය.

පෙලීසිය  අධිකරණ අමාතශ්‍යංයට නොපරවා නීතීය හා සාමය පිළිබඳ අමාත්‍යංශට පවරාගැනීම පිළිබඳව කොමසාරිස්වරිය විසින් කනස්සල්ල පළ කැර තිබිණි.

ඇගේ ස්ථාවරය මුලික වශයෙන් පිළිගත නොහැකියැයි අමාත්‍ය  මහාචාර්ය ජී එල් පීරිස් කියා සිටියේය.

2002  සිට2004 දක්වා කාලය හැරුණු ව්ට පොලීසිය දිගටම ආරක්ෂක අමාත්‍යංශය යටතේ පැවැති බව  පැවසු ඇමැති  උගත් පාඩම් කොමිසමේ නිර්දේශ අනුව නව අමාත්‍යංශ පිහිටවු බවද ඇයට පෙන්වා දුන්නේය.

 දෙමළ ජාතික සංවිධානය ගැන සඳහන් කළ ඇමැති පැවසුයේ  ඔවුන් එතෙර සිට ක්‍රියාකාරීවන බවයි.

ජනවාර්ගික ප්‍රශ්නය විසඳිම සඳහා වන පාර්ලිමේන්තු තේරිම් කාරක සභාවට සහභාගීවීමද ඔවුන් විසින් ප්‍රතික්ෂේප කළැයිද ඇමැති සඳහන් කළේය.

යුද්ධයෙන් පසු අධි ආරක්ෂිත කලාපය ඉවත් කැර හමුදා කඳවුරුවලට සීමා කළ  ජාතික ආරක්ෂාව සැලැකිල්ලට ගනිමින් හමුදා හඳුනාගත් රජයේ ඉඩම්වල ස්ථානගත කිරීමේ හැකියාව සොයා බලන බවද ඔහු සඳහන් කළේය.