නව ආණ්ඩුක්‍රම ව්‍යවස්ථාවක් සඳහා මහජන අදහස් විමසීමේ කමිටුව ලබන සඳුදා (11) කොළඹ දෙක විසුම්පායේ දී රැස්වීමට නියමිත බව රජයේ ආරංචි මාර්ග කියයි.

ඉදිරියේ දී මහජන අදහස් විමසීම සිදු කරන ආකාරය ගැන එහි දී තීන්දු තීරණ ගැනීමට නියමිතය.

මෙම කමිටුව සඳහා මේ වන විට 20 දෙනකු පත් කර ඇති අතර තවත් හතර දෙනකු පත් කිරීමට නියමිතය.

කමිටුවේ සභාපති ජ්‍යෙෂ්ඨ නීතීඥ ලාල් විජේනායක මහතාය.

නීති විශාරදයන් හා දේශපාලන පක්ෂවල නියෝජිතයයෝ ද එම කමිටුවේ සිටිති.  මහජන එක්සත් පෙරමුණ, ජාතික නිදහස් පෙරමුණ ඇතුළු සුළු පක්ෂ කිහිපයක නියෝජිතයන් මෙතෙක් නම් කර නැත.