හන්තාන සිසුවියන් දූෂණය කිරීමේ සිද්ධියේ ප්‍රධාන සැකකරුවන මහනුවර ව්‍යාපාරික නිමල් පීරිස් රුපියල් ලක්ෂයක ශරීර ඇපයක් හා රුපියල් 10,000ක මුදල් ඇපයක් මත මුදා හැරීමට මහනුවර මහේස්ත්‍රාත් බුද්ධික ශ්‍රී රාගල මහතා අද (22) නියෝග කළේය.

මේ අතර අනෙක් සැකකරු වූ මානව නායකත්ව පුහුණු වැඩසටහනේ දේශක චන්දිමාල් ගමගේ, එම නේවාසිකාගාරයේ පාලිකාව ඉමේෂා කුමාරි හා මුදල් අයකැමි නුවන්දි වීරසිංහට ඇප කොන්දේසි සැපිරීමට නොහැකිවූ හෙයින් ඔවුන් තව දුරටත් රිමාන්ඩ් භාරයේ රඳවනු ලැබූහ.

නඩුව නොවැම්බර් 21 වැනිදාට කල් තැබිණි.

අපොස සාමාන්‍ය පෙළ විභාගයෙන් අසමත් වු සිසු සිසුවියන්ගේ මානසික තත්වය වර්ධනය කර නැවත විභාගය සඳහා සහභාගි කරවීමට මාස 6 ක නේවාසික පාඨමාලවක් පවත්වන බව කියමින් පුවත්පත්වල පළ කළ දැන්විමකට අනුව මෙම සිසුන් අදාළ ආයතනයට බඳවාගෙන ඇති බවද එහි සිදුවන බව කියන අකටයුතුකම් ඉවසා ගැනිමට නොහැකි වු සිසුවියන් සිවු දෙනකු පසුගිය පළමුවැනිදා අලුයම එම ආයතනයෙන් පැන ගොස් හන්තාන ප්‍රදේශයේ කැලෑවක රැඳී සිට අසල්වැසියකුගේ මාර්ගයෙන් පොලිසියට පැමිණිලි කර තිබූ අතර සිද්ධිය සම්බන්ධයෙන් ආයතන හිමිකරු නිමල් පීරිස්, දේශක චන්දිමාල් ගමගේ, ආයතනයේ පාලිකාව හා අයකැමිවරිය මහනුවර මහේස්ත්‍රාත්වරයා විසින් පසුගිය 11 වැනිදා රිමාන්ඩ් කරනු ලැබූහ.

nimal-piris-1 nimal-piris-2 palikawa-2 sthanadipathi-1

 

ඡායාරූප හා වීඩියෝ - චමිල් රූපසිංහ