විදුලිබල හා බලශක්ති අමාත්‍යංශය හා ලංකා විදුලිබල මණ්ඩලය එක්ව මෙහෙයවන ජාතික බලශක්ති සංරක්ෂණ වැඩ සටහන යටතේ පිරිමැසුම්දායී ලෙස විදුලිය පරිහරණය කළ පාරිභෝගිකයන් වෙත තිළිණ හා සහතිකපත් ප‍්‍රදානය කිරීමේ උත්සවයක් විදුලිබල මණ්ඩලය මූලස්ථානයේදී අද පැවැත්විණ. තම මාසික විදුලි බිල්පත අවම කර පෙන්වීමෙන් ජාතික බලශක්ති සංරක්ෂණයට දායකවීම හා අනෙකුත් විදුලි පාරිභෝගිකයනට ආදර්ශයක්දීම යන කරුණු මත පාරිභෝගිකයන් විසි දෙදෙනකුට මෙහිදි පසුගිය අපේ‍්‍රල් මාසය සඳහා වන විදුලිබිල සම්පූර්ණයෙන්ම කපා හැරිණි. විදුලිබල හා බලශක්ති අමාත්‍ය පාඨලී චම්පික රණවක මහතා විසින් මාසික බිල්පත අවම කර පෙන්වූ විදුලි පාරිභෝගිකයන්ට තිළිණ සහතිකපතක් පිරිනැමීය.