(සුජිත් හේවාජුලිගේ සහ  අංජුල මහික වීරරත්න)

වර්ෂාව සමග විදුලිබල මණ්ඩලයට ලැබුණු වාසිය සැලකිල්ලට ගෙන විදුලි බිලට ලබන මාසයේදී  සංශෝධනයක් ගෙන එන බව විදුලි බල හා බලශක්ති රාජ්‍ය අමාත්‍ය ඉන්දික අනුරුද්ධ මහතා පාර්ලිමේන්තුවේදී අද (8) පැවසීය.

නව විදුලි පනත සම්බන්ධයෙන් විදුලි බල හා බලශක්ති අමාත්‍ය කංචන විජේසේකර මහතා පාර්ලිමේන්තුවේදී හෙට (9) ප්‍රකාශයක් කරන බවද ඔහු සඳහන් කළේය.

ඉන්දික අනුරුද්ධ මහතා මෙසේද පැවසීය.

විදුලි පනත ගැන අද මෙතනදි කතා වුණා. මේ විදුලි බල පනත හදන්න අවුරුද්දක් තිස්සේ කමිටු පිහිටවලා කටයුතු කළා. මන්ත්‍රීවරුන්ටත් ඒ ගැන කරුණු පැහැදිලි කළා. මෙය  කොලේ වහලා හංගල කරන කටයුත්තක් නොවෙයි.

විදුලි බිල අප්‍රේල් මාසයේ සංශෝධනය වෙන්න තිබිච්ච එක වර්ෂාව සමග විදුලි බල මණ්ඩලයට ලැබිච්ච වාසිය සැලකිල්ලට ගෙන ජනවාරි මාසයේදී සංශෝධනයක් ගෙන ඒමට බලාපොරොත්තු වෙනවා.

ලබන සතියේ මේ ගැන සාකච්ඡාවක් තියෙනවා විපක්ෂයේ ඔබතුමාලගේ දැනුම තියෙන අය ඒකට සම්බන්ධ කරන්න. එතනදි ඔබලාගේ අදහස දෙන්න. ඊට පස්සේ අපිට ඒ සංශෝධනය ජනවාරි මාසයේදී සිද්ධ කරන්න පුළුවන්.