වෛද්‍ය දන්තනාරායන කොරෝනාවෙන් මරුට

(සිරංගිකා ලොකුකරවිට සහ ජී.ඩබ්.කේ.ප්‍රේමතිලක ද සිල්වා)

කොරෝනා ආසාදනය වීමෙන් පෙනහළු ක්‍රියාකාරීත්වය අඩපණ වී කරාපිටිය ශික්ෂණ රෝහලේ දැඩි සත්කාර ඒකකයේ එක්මෝ යන්ත්‍රයට සවිකර විශේෂ ප්‍රතිකාර ලබමින් සිටි වෛද්‍ය ගයාන් දන්තනාරායන මහතා අද (2) උදෑසන මියගිය බව කරාපිටිය ‍රෝහල් ආරංචි මාර්ග පවසයි.

නුගේගොඩ ලයිසියම් ජාත්‍යන්තර පාසලේ අධ්‍යාපනය ලබා චීනයේ ටියැන්ජින් වෛද්‍ය විද්‍යාලයෙන් වෛද්‍ය උපාධිය ලැබූ ඔහු රෝගාතුරවන විට රාගම ශික්ෂණ රෝහලේ සේවය කළේය.

රාගම රෝහලේ සිට කොළඹ අයිඩීඑච් රෝහලට ප්‍රතිකාර සඳහා යොමු කර තිබූ අතර ‍දියවැඩියා රෝගයෙන් පීඩාවිඳිමින් සිටි ඔහුට කොරෝනා නිව්මෝනියා තත්ත්වය හේතුවෙන් පෙනහළු මගින් සිදුකරන වායු හුවමාරුවේ ගැටලුවක් ඇති වී තිබිණි.

ඔහු කරාපිටිය ශික්ෂණ රෝහලේ දැඩි සත්කාර ඒකකයට යොමුකරන ලද්දේ එවැනි රෝගියකුට ප්‍රතිකාර කිරීම සඳහා අත්‍යාවශ්‍ය වන එක්මෝ යන්ත්‍රයක් ඇති එකම රෝහල කරාපිටිය ශික්ෂණ රෝහල බැවිනි.

මෙම වෛද්‍යවරයාගේ පවුලේ සාමාජික සාමාජිකාවන් කිහිප දෙනෙක් ද මේ වනවිට කොරෝනා ආසාදනය වී ප්‍රතිකර ලබමින් සිටිති.

මෙම වෛද්‍යවරයා ගම්පහ දිස්ත්‍රික්කයේ රාගම ප්‍රදේශයේ පදිංචිව සිටියේය. ඔහුගේ පියා ද වෛද්‍යවරයෙකි.

කොරෝනා ආසාදනය වීමෙන් ශ්‍රී ලංකාවේ දී වෛද්‍යවරයෙකු මියගිය ප්‍රථම අවස්ථාව මෙය වේ.

අදහස් (14)

වෛද්‍ය දන්තනාරායන කොරෝනාවෙන් මරුට

Thissa Tuesday, 02 February 2021 06:26 AM

මාගේ හදපිරි කණගාටුව සහ ශෝකය පව්ලේ සැමටම පුදකර සිටිමි. සසර පුරා කිසිඳු දිනක මෙවන් උරුමයන් ඔබට අත් නොමවේවා...!!!

: 0 27

anura pathirana Tuesday, 02 February 2021 07:01 AM

අප වෙනුවෙන් සේවය කර , අප වෙනුවෙන් දිවිදුන් සහෝදර වෛද්‍යතුමන්ට නිවන් සුව පතමු... පවුලේ සියලු දෙනාටම ඉක්මන් සුවයද පතමු.

: 0 46

De Tuesday, 02 February 2021 07:19 AM

හරිම දුකයි. එතකොට ලංකාවටම ‘‘එක්මෝ‘‘ එකයි තියෙන්නේ? හැබැයි කාලකණ්ණි දේශපාලකයෝ යාන වාහන නම් බී.එම්.ඩබ්ලිව්., බෙන්ස් කොච්චරද? මේ අය තවම ගමටත් එනවනේ ලැජ්ජා නැතිව...

: 3 73

sanjeeva Tuesday, 02 February 2021 07:42 AM

"ඔහු කරාපිටිය ශික්ෂණ රෝහලේ දැඩි සත්කාර ඒකකයට යොමුකරන ලද්දේ එවැනි රෝගියකුට ප්‍රතිකාර කිරීම සඳහා අත්‍යාවශ්‍ය වන එක්මෝ යන්ත්‍රයක් ඇති එකම රෝහල කරාපිටිය ශික්ෂණ රෝහල බැවිනි".. අපි තව මැණික් කුළුණු හදමු. වන රක්ෂිත විනාශකර කාපට් පාරවල් හදමු.. ඔබතුමාට නිවන් සුව පතමි.

: 5 67

Karunarathna Gampola Tuesday, 02 February 2021 07:48 AM

සුගතිගාමි භවයන් අතර ඉපිද ධර්මාවබෝධය ලබා ප්‍රාර්ථනීය බෝධියකට පැමිණ අජරාමර නිවන අවබෝධ වේවා..!!!

: 3 44

chinthaka Tuesday, 02 February 2021 08:15 AM

ඔබතුමාට නිවන් සුව අත්වේවා..!!!

: 0 36

Raveendra Tuesday, 02 February 2021 08:28 AM

ඔහුට නිවන් සුව පතමි! පාලකයින්ගේ නිරුවත එළිවී ඇති නිසා තවත් පැණි, දුම්, කසාය මුට්ටි පස්සේ නොදුවා මිනිසුන් ගොනාට නොඅන්දවා ඇත්තට මුහුණ දී ක්‍රියා කරන ලෙස පාදෙණිය ඇතුළු වහල් රැලට මතක් කර සිටිමි.

: 6 37

Raktha Tuesday, 02 February 2021 08:47 AM

අයියෝ මේ රටට මොකද මේ වෙන්නේ..?

: 2 13

chamil rupasinghe Tuesday, 02 February 2021 09:02 AM

මෙසේ රටට අහිමි වන්නේ, රාගම රෝහලේ ශල්‍ය ඒකකයේ සේවයේ නියුතුව සිටි වෛද්‍ය ගයාන් දන්තනාරායන මහතායි. ජීවක පරපුරේ විශිෂ්ඨයෙකි..

: 1 26

සමිත සේනක අලුත්ගමගේ. Tuesday, 02 February 2021 09:25 AM

හදවතින්ම බලවත් ලෙස කණගාටු වෙමි.මේසන් බාස්ලා පස්සේ යමින්, මුට්ටි පාකරමින්, වෛද්‍ය මතයට වඩා රට රවටන හොරුන්ගේ පස්සේ ගොස් ලෙඩේ වැපිරූ අනුවණ මිනිසුන් නිසා සිදුවූ තවත් විපතකි මේ...

: 2 24

gamage Tuesday, 02 February 2021 09:29 AM

අර කොරෝනා අරමුදලෙන් වට්ටක්කයි, කෙසෙලුයි ගන්නේ නැතිව ECMO මැෂින් එකක් ගන්නයි තිබ්බේ.

: 0 23

sena Tuesday, 02 February 2021 10:54 AM

වෛද්‍ය තුමන්ට නිවන් සුව පතමු...

: 0 1

Mahesh Uk Tuesday, 02 February 2021 11:30 AM

මේ යන්ත්‍රයක වියදම ලක්ෂ 120ක් විතර වෙනවා. ලංකාවේ ඉන්න මන්ත්‍රීවරු පදින ජීප් එකක් ලක්ෂ 350කට වඩා වැඩියි.

: 0 7

U.K.අපි. Tuesday, 02 February 2021 12:14 PM

හරිම කණගාටුදායකයි. ලංකාවට ඇත්තේ එකම ECMO මැෂින් එකක් විතරයි ඇසීමත් මොනතරම් අවාසනාවක්ද? බලලෝභී දූෂිත දේශපාලකයන්.., ලෙඩුන් ගසා කන දොස්තරලා ඉන්නේ. තවත් මොන කතාද?

: 4 10

ඔබේ අදහස් එවන්න

එසැණ පුවත්

බටලන්ද විවාද දින තීරණයට පක්ෂ නායක රැස්වීමක් හෙට

2025 මැයි මස 01 0 0

බටලන්ද ජනාධිපති පරීක්ෂණ කොමිෂන් සභා වාර්තාව පිළිබඳ මීළඟ විවාදය පැවැත්වෙන දිනය හෙට (2) තීරණය කිරීමට නියමිතය.

ටී.බී ඉලංගරත්න පිළිරුවට පුෂ්පෝපහාර

2025 මැයි මස 01 50 0

හිටපු වාණිජ ආහාර කර්මාන්ත හා නාවික අමාත්‍යවරයෙකු මෙන්ම කෘතහස්ත ලේඛකයකු වූ ටී.බී ඉලංගරත්න මහතාගේ පිළිරුවට පුෂ්පෝපහාර දැක්වීම අද(01) කොළඹ නවම් මාවතේ පිහ

පැය 21ක් තුළ දුම්රිය තුනක් පීලි පනී

2025 මැයි මස 01 73 0

මරදාන හා කොටුව අතර ඊයේ (30) පස්වරුවේ සහ අද (01) පෙරවරුවේ දුම්රිය දෙකක්ද ඊයේ (30) රාත්‍රී පොල්ගහවෙල දුම්රිය ස්ථානයේදී තවත් දුම්රියක්ද වශයෙන් දුම්රිය තුනක් පීල